Urdu Poem: Khwabon Ke Beopari
Poet: Ahmad Faraz
Hum Khwabon Ke Beopari Thay
Par Is Mein Hua Nuqsaan Bara
Kuch Bakht Mein Dheron Kaalak Thi
Kuch Ab Ke Ghazab Ka Kaal Para
Hum Raakh Liye Hain Jhooli Mein
Aur Sar Pe Hai Saahukaar Khara
Yaan Boond Nahin Hai Diye Mein
Woh Baaj Biyaj Ki Baat Kare
Hum Baanjh Zameen Ko Takte Hain
Woh Dhoor Anaaj Ki Baat Kare
Hum Kuch Din Ki Mohlat Maangain
Woh Aaj Hi Aaj Ki Baat Kare
Jab Dharti Sahrā Sahrā Thi
Hum Dariya Dariya Roye Thay
Jab Haath Ki Rekhāein Chup Thin
Aur Sar Sangeet Mein Soye Thay
Tab Hum Ne Jeevan Kheti Mein
Kuch Khwaab Anokhay Boaye Thay
Kuch Khwaab Sajal Muskanon Ke
Kuch Bol Kabt Diwānōn Ke
Kuch Lafz Jinhein Ma’ni Na Milay
Kuch Geet Shikasta Jaanon Ke
Kuch Neer Wafaa Ki Shamon Ke
Kuch Par Paagal Parwānon Ke
Par Apni Ghāyal Aankhon Se
Khush Ho Ke Lahoo Chhirkaaya Tha
Maati Mein Maas Ki Khaad Bhari
Aur Nas Nas Ko Zakhmaaya Tha
Aur Bhool Gaye Pichhli Rut Mein
Kya Khoya Tha Kya Paaya Tha
Har Baar Gagan Ne Wahm Diya
Ab Ke Barkha Jab Aayegi
Har Beej Se Konpal Phootegi
Aur Har Konpal Phal Laayegi
Sar Par Chhaya Chhatri Hogi
Aur Dhoop Ghata Ban Jaayegi
Jab Fasl Kati To Kya Dekha
Kuch Dard Ke Tootay Gujray Thay
Kuch Zakhmi Khwaab Thay Kaanton Par
Kuch Khaakistar Se Kajray Thay
Aur Door Ufaq Ke Saagar Mein
Kuch Doltay Doobtay Bajray Thay
Ab Paon Kharaon Dhool Bhari
Aur Jism Pe Jog Ka Chola Hai
Sab Sangi Saathi Bhed Bharay
Koi Maasa Hai Koi Tola Hai
Is Taak Mein Yeh Us Ghaat Mein Woh
Har Oar Thagon Ka Tola Hai
Ab Ghaat Na Ghar Dehleez Na Dar
Ab Paas Raha Hai Kya Baba
Bas Tan Ki Gathri Baqi Hai
Ja Yeh Bhi Tu Le Ja Baba
Hum Basti Chhore Jaate Hain
Tu Apna Qarz Chuka Baba
Khwabon Ke Beopari (Poetry in Urdu)
ہم خوابوں کے بیوپاری تھے
پر اس میں ہوا نقصان بڑا
کچھ بخت میں ڈھیروں کالک تھی
کچھ اب کے غضب کا کال پڑا
ہم راکھ لیے ہیں جھولی میں
اور سر پہ ہے ساہوکار کھڑا
یاں بوند نہیں ہے ڈیوے میں
وہ باج بیاج کی بات کرے
ہم بانجھ زمین کو تکتے ہیں
وہ ڈھور اناج کی بات کرے
ہم کچھ دن کی مہلت مانگیں
وہ آج ہی آج کی بات کرے
جب دھرتی صحرا صحرا تھی
ہم دریا دریا روئے تھے
جب ہاتھ کی ریکھائیں چپ تھیں
اور سر سنگیت میں سوئے تھے
تب ہم نے جیون کھیتی میں
کچھ خواب انوکھے بوئے تھے
کچھ خواب سجل مسکانوں کے
کچھ بول کبت دیوانوں کے
کچھ لفظ جنہیں معنی نہ ملے
کچھ گیت شکستہ جانوں کے
کچھ نیر وفا کی شمعوں کے
کچھ پر پاگل پروانوں کے
پر اپنی گھائل آنکھوں سے
خوش ہو کے لہو چھڑکایا تھا
ماٹی میں ماس کی کھاد بھری
اور نس نس کو زخمایا تھا
اور بھول گئے پچھلی رت میں
کیا کھویا تھا کیا پایا تھا
ہر بار گگن نے وہم دیا
اب کے برکھا جب آئے گی
ہر بیج سے کونپل پھوٹے گی
اور ہر کونپل پھل لائے گی
سر پر چھایا چھتری ہوگی
اور دھوپ گھٹا بن جائے گی
جب فصل کٹی تو کیا دیکھا
کچھ درد کے ٹوٹے گجرے تھے
کچھ زخمی خواب تھے کانٹوں پر
کچھ خاکستر سے کجرے تھے
اور دور افق کے ساگر میں
کچھ ڈولتے ڈوبتے بجرے تھے
اب پاؤں کھڑاؤں دھول بھری
اور جسم پہ جوگ کا چولا ہے
سب سنگی ساتھی بھید بھرے
کوئی ماسہ ہے کوئی تولا ہے
اس تاک میں یہ اس گھات میں وہ
ہر اور ٹھگوں کا ٹولا ہے
اب گھاٹ نہ گھر دہلیز نہ در
اب پاس رہا ہے کیا بابا
بس تن کی گٹھری باقی ہے
جا یہ بھی تو لے جا بابا
ہم بستی چھوڑے جاتے ہیں
تو اپنا قرض چکا بابا
