Us Ne Sukoot-e-Shab Mein Bhi Apna Payam Rakh Diya
Ahmad Faraz Poetry in Urdu
اس نے سکوتِ شب میں بھی اپنا پیام رکھ دیا
ہجر کی رات بام پر ماہِ تمام رکھ دیا
آمدِ دوست کی نوید کوئے وفا میں گرم تھی
میں نے بھی اک چراغ سا دل سرِ شام رکھ دیا
شدتِ تشنگی میں بھی غیرتِ میکشی رہی
اس نے جو پھیرلی نظر میں نے بھی جام رکھ دیا
اس نے نظر نظر میں ہی ایسے بھلے سخن کہے
میں نے تو اس کے پاؤں میں سارا کلام رکھ دیا
دیکھو یہ میرے خواب تھے دیکھو یہ میرے زخم ہیں
میں نے تو سب حسابِ جاں برسرِ عام رکھ دیا
اب کے بہار نے بھی کیں ایسی شرارتیں کہ بس
کبکِ دری کی چال میں تیرا خرام رکھ دیا
جو بھی ملا اسی کا دل حلقہ بگوشِ یار تھا
اس نے تو سارے شہر کو کرکے غلام رکھ دیا
اور فرازؔ چاہئیں کتنی محبتیں تجھے
ماؤں نے تیرے نام پر بچوں کا نام رکھ دیا
Us Ne Sukoot-e-Shab Mein Bhi Apna Payam Rakh Diya
Hijr Ki Raat Bam Par Mah-e-Tamam Rakh Diya
Aamad-e-Dost Ki Naveed Koo-e-Wafa Mein Garm Thi
Main Ne Bhi Ek Charagh Sa Dil Sar-e-Shaam Rakh Diya
Shiddat-e-Tashnagi Mein Bhi Ghairat-e-Mekshi Rahi
Us Ne Jo Phair Li Nazar Main Ne Bhi Jaam Rakh Diya
Us Ne Nazar Nazar Mein Hi Aise Bhale Sukhan Kehe
Main Ne To Us Ke Paon Mein Sara Kalaam Rakh Diya
Dekho Yeh Mere Khwab The Dekho Yeh Mere Zakhm Hain
Main Ne To Sab Hisab-e-Jaan Barsar-e-Aam Rakh Diya
Ab Ke Bahar Ne Bhi Keen Aisi Shararatain Ke Bas
Kabak-e-Dari Ki Chaal Mein Tera Kharaam Rakh Diya
Jo Bhi Mila Isi Ka Dil Halqa Begoosh-e-Yaar Tha
Us Ne To Sare Shehar Ko Karke Ghulam Rakh Diya
Aur Faraz Chahiye Kitni Mohabbatein Tujhe
Maaon Ne Tere Naam Par Bachon Ka Naam Rakh Diya
