Wo Firaq Aur Wo Visal Kahan

Wo Firaq Aur Wo Visal Kahan
Wo Shab-O-Roz O Mah-O-Sal Kahan

Fursat-E-Karobar-E-Shauq Kise
Zauq-E-Nazzara-E-Jamal Kahan

Dil To Dil Wo Dimagh Bhi Na Raha
Shor-E-Sauda-E-Khatt-O-Khal Kahan

Thi Wo Ek Shakhs Ke Tasawwur Se
Ab Wo Ranai-E-Khayal Kahan

Aisa Aasan Nahin Lahu Rona
Dil Mein Taqat Jigar Mein Haal Kahan

Hum Se Chhuta Qimar-Khana-E-Ishq
Wan Jo Jawen Girah Mein Mal Kahan

Fikr-E-Duniya Mein Sar Khapata Hun
Main Kahan Aur Ye Wabaal Kahan

Muzmahil Ho Gae Qawa Ghalib
Wo Anasir Mein E’tidal Kahan

Falak-E-Sifla Be-Muhaba Hai
Is Sitam-Gar Ko Infial Kahan

وہ فراق اور وہ وصال کہاں
وہ شب و روز و ماہ و سال کہاں

فرصت کاروبار شوق کسے
ذوق نظارۂ جمال کہاں

دل تو دل وہ دماغ بھی نہ رہا
شور سودائے خط و خال کہاں

تھی وہ اک شخص کے تصور سے
اب وہ رعنائی خیال کہاں

ایسا آساں نہیں لہو رونا
دل میں طاقت جگر میں حال کہاں

ہم سے چھوٹا قمار خانۂ عشق
واں جو جاویں گرہ میں مال کہاں

فکر دنیا میں سر کھپاتا ہوں
میں کہاں اور یہ وبال کہاں

مضمحل ہو گئے قویٰ غالب
وہ عناصر میں اعتدال کہاں

فلک سفلہ بے محابا ہے
اس ستمگر کو انفعال کہاں

Wo Firaq Aur Wo Visal Kahan – Mirza Ghalib Poetry