Woh Adaaye Dilbari Ho Ke Nawaaye Aashiqana
Jigar Muradabadi
Woh Adaaye Dilbari Ho Ke Nawaaye Aashiqana
Jo Dilon Ko Fatah Kar Le Wohi Fatah Zamana
Kabhi Husn Ki Tabiyat Na Badal Saka Zamana
Wohi Naaz Be-Niazi Wohi Shaan-e-Khusrawana
Yeh Tera Jamal-e-Kamil Yeh Shabaab Ka Zamana
Dil Dushmanan Salamat Dil Dostan Nishana
Yeh Falak Yeh Mah-O-Anjum Yeh Zameen Yeh Zamana
Tere Husn Ki Hikayat Mere Ishq Ka Fasana
Yeh Hai Ishq Ki Karamat Yeh Kamal-e-Shaairana
Abhi Munh Se Baat Nikli Abhi Ho Gayi Fasana
Yeh Mera Payam Kehna Tu Saba Modabana
Ke Guzar Gaya Hai Pyare Tujhe Dekhe Ek Zamana
Mujhe Chaak-e-Jeeb-O-Daman Se Nahin Munasibat Kuch
Yeh Junoon Hi Ko Mubarak Rah-O-Rasm-e-Aamiyana
Tujhe Haadisaat-e-Peham Se Bhi Kya Milega Nadaan
Tera Dil Agar Ho Zinda To Nafs Bhi Taziyana
Main Hoon Is Maqam Par Ab Ke Firaaq-O-Wasl Kaise
Mera Ishq Bhi Kahani Tera Husn Bhi Fasana
Meri Zindagi To Guzri Tere Hijr Ke Sahare
Meri Maut Ko Bhi Pyare Koi Chahiye Bahana
Tere Ishq Ki Karamat Yeh Agar Nahin To Kya Hai
Kabhi Be-Adab Na Guzra Mere Paas Se Zamana
Teri Doori-O-Huzoori Ka Yeh Hai Ajeeb Alam
Abhi Zindagi Haqeeqat Abhi Zindagi Fasana
Mere Hum Safeer Bulbul Mera Tera Saath Hi Kya
Main Zameer Dast-O-Darya Tu Aseer Aashiyana
Main Woh Saaf Hi Na Keh Doon Jo Hai Farq Mujh Mein Tujh Mein
Tera Dard Dard-e-Tanha Mera Gham Gham-e-Zamana
Tere Dil Ke Tootne Par Hai Kisi Ko Naaz Kya Kya
Tujhe Ae Jigar Mubarak Yeh Shikast-e-Fatehana
وہ ادائے دلبری ہو کہ نوائے عاشقانہ
جو دلوں کو فتح کر لے وہی فاتح زمانہ
کبھی حسن کی طبیعت نہ بدل سکا زمانہ
وہی ناز بے نیازی وہی شان خسروانہ
یہ ترا جمال کامل یہ شباب کا زمانہ
دل دشمناں سلامت دل دوستاں نشانہ
یہ فلک یہ ماہ و انجم یہ زمین یہ زمانہ
ترے حسن کی حکایت مرے عشق کا فسانہ
یہ ہے عشق کی کرامت یہ کمال شاعرانہ
ابھی منہ سے بات نکلی ابھی ہو گئی فسانہ
یہ مرا پیام کہنا تو صبا مودبانہ
کہ گزر گیا ہے پیارے تجھے دیکھے اک زمانہ
مجھے چاک جیب و دامن سے نہیں مناسبت کچھ
یہ جنوں ہی کو مبارک رہ و رسم عامیانہ
تجھے حادثات پیہم سے بھی کیا ملے گا ناداں
ترا دل اگر ہو زندہ تو نفس بھی تازیانہ
میں ہوں اس مقام پر اب کہ فراق و وصل کیسے
مرا عشق بھی کہانی ترا حسن بھی فسانہ
مری زندگی تو گزری ترے ہجر کے سہارے
مری موت کو بھی پیارے کوئی چاہیئے بہانہ
ترے عشق کی کرامت یہ اگر نہیں تو کیا ہے
کبھی بے ادب نہ گزرا مرے پاس سے زمانہ
تری دوری و حضوری کا یہ ہے عجیب عالم
ابھی زندگی حقیقت ابھی زندگی فسانہ
مرے ہم صفیر بلبل مرا تیرا ساتھ ہی کیا
میں ضمیر دشت و دریا تو اسیر آشیانہ
میں وہ صاف ہی نہ کہہ دوں جو ہے فرق مجھ میں تجھ میں
ترا درد درد تنہا مرا غم غم زمانہ
ترے دل کے ٹوٹنے پر ہے کسی کو ناز کیا کیا
تجھے اے جگرؔ مبارک یہ شکست فاتحانہ
In Sehme Hue Shehron Ki Faza Kuch Kehti Hai – Nasir Kazmi
Khulay Gi Us Nazar Pe Chashm-E-Tar Aahista Aahista – Ghazal
