Woh Bewafa Hai To Kya Mat Kaho Bura Usko – Naseer Turabi

Woh Bewafa Hai To Kya Mat Kaho Bura Usko
Naseer Turabi

Woh Bewafa Hai To Kya Mat Kaho Bura Usko
Ke Jo Hua So Hua Khush Rakhe Khuda Usko

Nazar Na Aaye To Us Ki Talaash Mein Rehna
Kahin Mile To Palat Kar Na Dekhna Usko

Woh Saada Kho Tha Zamaane Ke Kham Samajhta Kya
Hawa Ke Saath Chala Le Udi Hawa Usko

Woh Apne Baare Mein Kitna Hai Khush Gumaan Dekho
Jab Usko Main Bhi Na Dekhoon To Dekhna Usko

Abhi Se Jaana Bhi Kya Us Ki Kam Khayaali Par
Abhi To Aur Bahut Hoga Sochna Usko

Usay Ye Dhan Ke Mujhe Kam Se Kam Udaas Rakhe
Meri Dua Ke Khuda De Ye Hosla Usko

Panah Dhoond Rahi Hai Shab Girifta Dilan
Koi Batao Mere Ghar Ka Raasta Usko

Ghazal Mein Zikr Na Kar Uska Na Kar Naseer
Ke Ab Bhula Chuka Woh Tujhe Tu Bhi Bhool Ja Usko

وہ بے وفا ہے تو کیا مت کہو برا اس کو
کہ جو ہوا سو ہوا خوش رکھے خدا اس کو

نظر نہ آئے تو اس کی تلاش میں رہنا
کہیں ملے تو پلٹ کر نہ دیکھنا اس کو

وہ سادہ خو تھا زمانے کے خم سمجھتا کیا
ہوا کے ساتھ چلا لے اڑی ہوا اس کو

وہ اپنے بارے میں کتنا ہے خوش گماں دیکھو
جب اس کو میں بھی نہ دیکھوں تو دیکھنا اس کو

ابھی سے جانا بھی کیا اس کی کم خیالی پر
ابھی تو اور بہت ہوگا سوچنا اس کو

اسے یہ دھن کہ مجھے کم سے کم اداس رکھے
مری دعا کہ خدا دے یہ حوصلہ اس کو

پناہ ڈھونڈ رہی ہے شب گرفتہ دلاں
کوئی بتاؤ مرے گھر کا راستہ اس کو

غزل میں تذکرہ اس کا نہ کر نصیرؔ کہ اب
بھلا چکا وہ تجھے تو بھی بھول جا اس کو