Woh Log Mere Bohat Pyaar Karne Waale Thay
وہ لوگ میرے بہت پیار کرنے والے تھے
گزر گئے ہیں جو موسم گزرنے والے تھے
نئی رتوں میں دکھوں کے بھی سلسلے ہیں نئے
وہ زخم تازہ ہوئے ہیں جو بھرنے والے تھے
یہ کس مقام پہ سوجھی تجھے بچھڑنے کی
کہ اب تو جا کے کہیں دن سنورنے والے تھے
ہزار مجھ سے وہ پیمان وصل کرتا رہا
پر اس کے طور طریقے مکرنے والے تھے
تمہیں تو فخر تھا شیرازہ بندیٔ جاں پر
ہمارا کیا ہے کہ ہم تو بکھرنے والے تھے
تمام رات نہایا تھا شہر بارش میں
وہ رنگ اتر ہی گئے جو اترنے والے تھے
اس ایک چھوٹے سے قصبے پہ ریل ٹھہری نہیں
وہاں بھی چند مسافر اترنے والے تھے
جمال احسانی
Woh Log Mere Bohat Pyaar Karne Waale Thay
Guzar Gaye Hain Jo Mausam Guzarne Waale Thay
Nayi Raton Mein Dukhon Ke Bhi Silsile Hain Naye
Woh Zakhm Taaza Huye Hain Jo Bharne Waale Thay
Yeh Kis Maqaam Pe Sooji Tujhe Bichhadne Ki
Ke Ab To Ja Ke Kahin Din Sanwarne Waale Thay
Hazaar Mujh Se Woh Paimaan-e-Wasl Karta Raha
Par Us Ke Toor Tareeqe Makarne Waale Thay
Tumhein To Fakhr Tha Sheeraza-Bandi-e-Jaan Par
Hamaara Kya Hai Ke Hum To Bikharne Waale Thay
Tamaam Raat Nahaaya Tha Sheher Baarish Mein
Woh Rang Utar Hi Gaye Jo Utarne Waale Thay
Us Ek Chhotay Se Qasbay Pe Rail Thahri Nahin
Wahan Bhi Chand Musafir Utarne Waale Thay
Mirza Ghalib Poetry – Rahat Indori Poetry – Jaun Elia Poetry – Bashir Badr Poetry
