Yaar Bhi Raah Ki Deewar Samajhte Hain Mujhe

Yaar Bhi Raah Ki Deewar Samajhte Hain Mujhe
Main Samajhta Tha Mere Yaar Samajhte Hain Mujhe

Jar Ukharne Se Jhukao Hai Meri Shaakhon Mein
Door Se Log Samar-Baar Samajhte Hain Mujhe

Kya Khabar Kal Yehi Taboot Mera Ban Jaye
Aap Jis Takht Ka Haq-Daar Samajhte Hain Mujhe

Naik Logon Mein Mujhe Naik Gina Jata Hai
Aur Gunahgaar Gunahgaar Samajhte Hain Mujhe

Main To Khud Bikne Ko Bazaar Mein Aaya Hua Hoon
Aur Dukandaar Khareedaar Samajhte Hain Mujhe

Main Badalte Hue Halaat Mein Dhal Jata Hoon
Dekhne Wale Adaakaar Samajhte Hain Mujhe

Woh Jo Is Paar Hain Us Paar Mujhe Jante Hain
Yeh Jo Us Paar Hain Is Paar Samajhte Hain Mujhe

Main To Yun Chup Hoon Ke Andar Se Bohat Khaali Hoon
Aur Yeh Log Pur-Asraar Samajhte Hain Mujhe

Roshni Baantta Hoon Sarhadon Ke Paar Bhi Main
Hum-Watan Is Liye Ghaddaar Samajhte Hain Mujhe

Jurm Yeh Hai Ke Un Andhon Mein Hoon Aankhon Wala
Aur Saza Yeh Hai Ke Sardaar Samajhte Hain Mujhe

Laash Ki Tarah Sar-E-Aab Hoon Main Aur Shahid
Doobne Wale Madadgaar Samajhte Hain Mujhe

یار بھی راہ کی دیوار سمجھتے ہیں مجھے
میں سمجھتا تھا مرے یار سمجھتے ہیں مجھے

جڑ اکھڑنے سے جھکاؤ ہے مری شاخوں میں
دور سے لوگ ثمر بار سمجھتے ہیں مجھے

کیا خبر کل یہی تابوت مرا بن جائے
آپ جس تخت کا حق دار سمجھتے ہیں مجھے

نیک لوگوں میں مجھے نیک گنا جاتا ہے
اور گنہ گار گنہ گار سمجھتے ہیں مجھے

میں تو خود بکنے کو بازار میں آیا ہوا ہوں
اور دکاں دار خریدار سمجھتے ہیں مجھے

میں بدلتے ہوئے حالات میں ڈھل جاتا ہوں
دیکھنے والے اداکار سمجھتے ہیں مجھے

وہ جو اس پار ہیں اس پار مجھے جانتے ہیں
یہ جو اس پار ہیں اس پار سمجھتے ہیں مجھے

میں تو یوں چپ ہوں کہ اندر سے بہت خالی ہوں
اور یہ لوگ پر اسرار سمجھتے ہیں مجھے

روشنی بانٹتا ہوں سرحدوں کے پار بھی میں
ہم وطن اس لیے غدار سمجھتے ہیں مجھے

جرم یہ ہے کہ ان اندھوں میں ہوں آنکھوں والا
اور سزا یہ ہے کہ سردار سمجھتے ہیں مجھے

لاش کی طرح سر آب ہوں میں اور شاہدؔ
ڈوبنے والے مددگار سمجھتے ہیں مجھے

شاہد ذکی

یار بھی راہ کی دیوار سمجھتے ہیں مجھے - شاہد ذکی