Ye Jugnuon Ki Qiyadat Mein Chalne Wale Log
یہ جگنوؤں کی قیادت میں چلنے والے لوگ
تھے کل چراغ کی مانند جلنے والے لوگ
ہمیں بھی وقت نے پتھر صفت بنا ڈالا
ہمیں تھے موم کی صورت پگھلنے والے لوگ
ہمیں نے اپنے چراغوں کو پائمال کیا
ہمیں ہیں اب کفِ افسوس ملنے والے لوگ
سمٹ کے رہ گئے ماضی کی داستانوں تک
حدودِ ذات سے آگے نکلنے والے لوگ
ستم تو یہ کہ ہماری صفوں میں شامل ہیں
چراغ بجھتے ہی خیمہ بدلنے والے لوگ
ہمارے دور کا فرعون ڈوبتا ہی نہیں
کہاں چلے گئے پانی پہ چلنے والے لوگ
(اقبال اشہر)
Ye Jugnuon Ki Qiyadat Mein Chalne Wale Log
The Kal Chiragh Ki Manind Jalne Wale Log
Humein Bhi Waqt Ne Pathar Sifat Bana Dala
Humein The Mom Ki Soorat Pighalne Wale Log
Humein Ne Apne Chiraghon Ko Paimal Kiya
Humein Hain Ab Kaf-E-Afsos Malne Wale Log
Simat Ke Reh Gaye Mazi Ki Dastanon Tak
Hudood-E-Zaat Se Aage Nikalne Wale Log
Sitm To Ye Ke Hamari Safon Mein Shamil Hain
Chiragh Bujhte Hi Khaima Badalne Wale Log
Hamare Daur Ka Firaun Doobta Hi Nahi
Kahan Chale Gaye Pani Pe Chalne Wale Log
