Yeh Shab, Yeh Khayal-o-Khwaab Tere
Nasir Kazmi Poetry
Yeh Shab, Yeh Khayal-o-Khwaab Tere
Kya Phool Khile Hain Munh Andhere
Shu’le Mein Hai Ek Rang Tera
Baaki Hain Tamaam Rang Mere
Aankhon Mein Chhupaaye Phir Raha Hoon
Yaadon Ke Bujhe Hue Sawere
Dete Hain Suraagh Fasl-e-Gul Ka
Shaakhon Pe Jale Hue Basere
Manzil Na Mili To Qafilon Ne
Raste Mein Jama Liye Hain Deere
Jungle Mein Hui Hai Shaam Hum Ko
Basti Se Chale The Munh Andhere
Roodaad-e-Safar Na Chhed Nasir
Phir Ashk Na Tham Sakenge Mere
یہ شب یہ خیال و خُواب تیرے
کیا پُھول کِھلے ہیں مُنہ اندھیرے
شُعلے میں ہے ایک رنگ تیرا
باقی ہیں تمام رنگ میرے
آنکھوں میں چُھپائے پھر رہا ہُوں
یادوں کے بُجھے ہوئے سویرے
دیتے ہیں سُراغ فصلِ گُل کا
شاخوں پہ جلے ہُوئے بسیرے
منزل نہ مِلی تو قافلوں نے
رستے میں جما لیے ہیں ڈیرے
جنگل میں ہُوئی ہے شام ہم کو
بستی سے چلے تھے مُنہ اندھیرے
رُودادِ سفر نہ چھیڑ ناصرؔ
پھر اشک نہ تھم سکیں گے میرے
