Zindagi Se Darte Ho?
Poetry by Noon Meen Rashid
Zindagi Se Darte Ho?
Zindagi To Tum Bhi Ho, Zindagi To Hum Bhi Hain!
Zindagi Se Darte Ho?
Admi Se Darte Ho?
Admi To Tum Bhi Ho, Admi To Hum Bhi Hain
Admi Zuban Bhi Hai, Admi Bayan Bhi Hai
Is Se Tum Nahin Darte!
Harf Aur Ma’ni Ke Rishta Haaye Ahan Se Admi Hai Wabasta
Admi Ke Daman Se Zindagi Hai Wabasta
Is Se Tum Nahin Darte
”An Kahi” Se Darte Ho
Jo Abhi Nahin Aayi Us Ghari Se Darte Ho
Us Ghari Ki Amad Ki Aagahi Se Darte Ho
Pehle Bhi To Guzre Hain
Door-e-Narasai Ke ”Be Riya” Khudai Ke
Phir Bhi Ye Samajhte Ho Heech Arzoo Mandi
Ye Shab Zuban Bandi Hai Rah-e-Khudawandi
Tum Magar Ye Kya Jano
Lab Agar Nahin Hilte Haath Jaag Uth’te Hain
Haath Jaag Uth’te Hain Rah Ka Nishan Ban Kar
Noor Ki Zuban Ban Kar
Haath Bol Uth’te Hain Subh Ki Azan Ban Kar
Roshni Se Darte Ho
Roshni To Tum Bhi Ho, Roshni To Hum Bhi Hain
Roshni Se Darte Ho
Sheher Ki Faseelon Par
Deo Ka Jo Saya Tha Paak Ho Gaya Aakhir
Raat Ka Libada Bhi
Chaak Ho Gaya Aakhir, Khaak Ho Gaya Aakhir
Ajda-haam-e-Insan Se Fard Ki Nawa Aayi
Zaat Ki Sada Aayi
Raah-e-Shauq Mein Jaise Raahro Ka Khoon Lapke
Ek Naya Junoon Lapke
Admi Chhalak Uthe
Admi Hanse Dekho, Sheher Phir Base Dekho
Tum Abhi Se Darte Ho?
Haan Abhi To Tum Bhi Ho
Haan Abhi To Hum Bhi Hain
Tum Abhi Se Darte Ho
Zindagi Se Darte Ho? (Poetry in Urdu)
زندگی سے ڈرتے ہو؟
!زندگی تو تم بھی ہو زندگی تو ہم بھی ہیں!
زندگی سے ڈرتے ہو؟
آدمی سے ڈرتے ہو؟
آدمی تو تم بھی ہو آدمی تو ہم بھی ہیں
آدمی زباں بھی ہے آدمی بیاں بھی ہے
اس سے تم نہیں ڈرتے!
حرف اور معنی کے رشتہ ہائے آہن سے آدمی ہے وابستہ
آدمی کے دامن سے زندگی ہے وابستہ
اس سے تم نہیں ڈرتے
”ان کہی” سے ڈرتے ہو
جو ابھی نہیں آئی اس گھڑی سے ڈرتے ہو
اس گھڑی کی آمد کی آگہی سے ڈرتے ہو
پہلے بھی تو گزرے ہیں
دور نارسائی کے ”بے ریا” خدائی کے
پھر بھی یہ سمجھتے ہو ہیچ آرزو مندی
یہ شب زباں بندی ہے رہ خداوندی
تم مگر یہ کیا جانو
لب اگر نہیں ہلتے ہاتھ جاگ اٹھتے ہیں
ہاتھ جاگ اٹھتے ہیں راہ کا نشاں بن کر
نور کی زباں بن کر
ہاتھ بول اٹھتے ہیں صبح کی اذاں بن کر
روشنی سے ڈرتے ہو
روشنی تو تم بھی ہو روشنی تو ہم بھی ہیں
روشنی سے ڈرتے ہو
شہر کی فصیلوں پر
دیو کا جو سایہ تھا پاک ہو گیا آخر
رات کا لبادہ بھی
چاک ہو گیا آخر خاک ہو گیا آخر
اژدہام انساں سے فرد کی نوا آئی
ذات کی صدا آئی
راہ شوق میں جیسے راہرو کا خوں لپکے
اک نیا جنوں لپکے
آدمی چھلک اٹھے
آدمی ہنسے دیکھو، شہر پھر بسے دیکھو
تم ابھی سے ڈرتے ہو؟
ہاں ابھی تو تم بھی ہو
ہاں ابھی تو ہم بھی ہیں
تم ابھی سے ڈرتے ہو
