Aarzoo Hai Wafa Kare Koi - Dagh Dehlvi

Aarzoo Hai Wafa Kare Koi
Jee Na Chahe To Kya Kare Koi

Gar Marz Ho Dawa Kare Koi
Marne Wale Ka Kya Kare Koi

Koste Hain Jale Huye Kya Kya
Apne Haq Mein Dua Kare Koi

Un Se Sab Apni Apni Kehte Hain
Mera Matlab Ada Kare Koi

Chaah Se Aap Ko To Nafrat Hai
Mujh Ko Chahe Khuda Kare Koi

Is Gile Ko Gila Nahi Kehte
Gar Maze Ka Gila Kare Koi

Yeh Mili Daad Ranj-e-Furqat Ki
Aur Dil Ka Kaha Kare Koi

Tum Sarapa Ho Soorat-e-Tasveer
Tum Se Phir Baat Kya Kare Koi

Kehte Hain Hum Nahi Khudaye Kareem
Kyun Hamari Khata Kare Koi

Jis Mein Laakhon Baras Ki Hooren Hon
Aisi Jannat Ko Kya Kare Koi

Is Jafa Par Tumhein Tamanna Hai
Ke Meri Iltija Kare Koi

Munh Lagate Hi Dagh Itraya
Lutf Hai Phir Jafa Kare Koi

آرزو ہے وفا کرے کوئی
جی نہ چاہے تو کیا کرے کوئی

گر مرض ہو دوا کرے کوئی
مرنے والے کا کیا کرے کوئی

کوستے ہیں جلے ہوئے کیا کیا
اپنے حق میں دعا کرے کوئی

ان سے سب اپنی اپنی کہتے ہیں
میرا مطلب ادا کرے کوئی

چاہ سے آپ کو تو نفرت ہے
مجھ کو چاہے خدا کرے کوئی

اس گلے کو گلہ نہیں کہتے
گر مزے کا گلا کرے کوئی

یہ ملی داد رنج فرقت کی
اور دل کا کہا کرے کوئی

تم سراپا ہو صورت تصویر
تم سے پھر بات کیا کرے کوئی

کہتے ہیں ہم نہیں خدائے کریم
کیوں ہماری خطا کرے کوئی

جس میں لاکھوں برس کی حوریں ہوں
ایسی جنت کو کیا کرے کوئی

اس جفا پر تمہیں تمنا ہے
کہ مری التجا کرے کوئی

منہ لگاتے ہی داغؔ اترایا
لطف ہے پھر جفا کرے کوئی

Aarzoo Hai Wafa Kare Koi – Dagh Dehlvi