Agar Shamil Na Dar-Parda Kisi Ki Aarzoo Hoti — Jigar Moradabadi

Agar Shamil Na Dar-Parda Kisi Ki Aarzoo Hoti!
To Phir Ai Zindagi Zalim, Na Main Hota Na Tu Hoti

Agar Hail Na Us Rukh Par Naqab-e-Rang-o-Boo Hoti
Kise Taab-e-Nazar Rahti, Majal-e-Aarzoo Hoti

Na Ik Markaz Pe Ruk Jati, Na Yun Be-Aabroo Hoti!
Mohabbat Justuju Thi, Justuju Hi Justuju Hoti

Tera Milna To Mumkin Tha, Magar Ai Jaan-e-Mahboobi!
Mere Nazdeek Tauheen-e-Mizaj-e-Justuju Hoti

Nigah-e-Shauq Use Bhi Dhaal Leti Apne Sanche Mein
Agar Ik Aur Bhi Duniya Wara-e-Rang-o-Boo Hoti

— Jigar Moradabadi

اگر شامِل نہ در پردہ کِسی کی آرزُو ہوتی !
تو پھر اے زندگی ظالم، نہ میں ہوتا نہ تُو ہوتی

اگر حائِل نہ اُس رخ پر نقابِ رنگ و بُو ہوتی
کِسے تابِ نظر رہتی، مجالِ آرزُو ہوتی

نہ اِک مرکز پہ رُک جاتی، نہ یوں بے آبرُو ہوتی !
محبّت جُستجُو تھی، جُستجُو ہی جُستجُو ہوتی

تِرا مِلنا تو مُمکِن تھا، مگر اے جانِ محبوُبی !
مِرے نزدیک توہینِ مزاجِ جُستجُو ہوتی

نگاہِ شوق اُسے بھی ڈھال لیتی اپنے سانچے میں
اگر اِک اور بھی دُنیا ورائے رنگ و بُو ہوتی

جگر مُراد آبادی