Apni Tanhai Mere Naam Pe Aabaad Kare
Parveen Shakir Poetry
Apni Tanhai Mere Naam Pe Aabaad Kare
Kaun Hoga Jo Mujhe Us Ki Tarah Yaad Kare
Dil Ajab Shehar Ke Jis Par Bhi Khula Dar Us Ka
Woh Musafir Use Har Simt Se Barbaad Kare
Apne Qaatil Ki Zehanat Se Pareshan Hoon Main
Roz Ek Maut Naye Tarz Ki Ijaad Kare
Itna Hairaan Ho Meri Be-Talabi Ke Aage
Woh Qafas Mein Koi Dar Khud Mera Sayyaad Kare
Salb-E-Binaai Ke Ahkaam Mile Hain Jo Kabhi
Roshni Chhoone Ki Khwahish Koi Shabzaad Kare
Soch Rakhna Bhi Jarayim Mein Hai Shaamil Ab To
Wohi Masoom Hai Har Baat Pe Jo Saad Kare
Jab Lahoo Bol Pade Us Ke Gawahon Ke Khilaaf
Qaazi-E-Shehar Kuch Is Baab Mein Irshaad Kare
Us Ki Mutthi Mein Bahut Roz Raha Mera Wujood
Mere Saahir Se Kaho Ab Mujhe Azaad Kare
اپنی تنہائی مرے نام پہ آباد کرے
کون ہوگا جو مجھے اس کی طرح یاد کرے
دل عجب شہر کہ جس پر بھی کھلا در اس کا
وہ مسافر اسے ہر سمت سے برباد کرے
اپنے قاتل کی ذہانت سے پریشان ہوں میں
روز اک موت نئے طرز کی ایجاد کرے
اتنا حیراں ہو مری بے طلبی کے آگے
وا قفس میں کوئی در خود مرا صیاد کرے
سلب بینائی کے احکام ملے ہیں جو کبھی
روشنی چھونے کی خواہش کوئی شب زاد کرے
سوچ رکھنا بھی جرائم میں ہے شامل اب تو
وہی معصوم ہے ہر بات پہ جو صاد کرے
جب لہو بول پڑے اس کے گواہوں کے خلاف
قاضئ شہر کچھ اس باب میں ارشاد کرے
اس کی مٹھی میں بہت روز رہا میرا وجود
میرے ساحر سے کہو اب مجھے آزاد کرے
Tera Ghar Aur Mera Jungle Bheegta Hai Saath Saath – Ghazal
Kitne Deep Bujhte Hain Kitne Deep Jalte Hain
Aks-e-Khushboo Hoon Bikharne Se Na Roke Koi
