Chhupaye Dil Mein Ghamon Ka Jahaan Baithe Hain
Saghar Siddiqui
Chhupaye Dil Mein Ghamon Ka Jahaan Baithe Hain
Tumhari Bazm Mein Hum Be-Zabaan Baithe Hain
Yeh Aur Baat Ke Manzil Pe Hum Pahunche Na Sake
Magar Yeh Kam Hai Ke Raahon Ko Chhaan Baithe Hain
Fughaan Hai, Dard Hai, Soz-o-Firaaq-o-Daagh-o-Alam
Abhi To Ghar Mein Bahut Mehrbaan Baithe Hain
Ab Aur Gardish-e-Taqdeer Kya Satayegi
Luta Ke Ishq Mein Naam-o-Nishaan Baithe Hain
Woh Ek Lafz Mohabbat Hi Dil Ka Dushman Hai
Jise Shariat-e-Ehsaas Maan Baithe Hain
Hai Maikade Ki Bahaaron Se Dosti Saghar
Wara-e-Hadd-e-Yaqeen-o-Gumaan Baithe Hain
چھپائے دل میں غموں کا جہان بیٹھے ہیں
تمہاری بزم میں ہم بے زبان بیٹھے ہیں
یہ اور بات کہ منزل پہ ہم پہنچ نہ سکے
مگر یہ کم ہے کہ راہوں کو چھان بیٹھے ہیں
فغاں ہے، درد ہے، سوز و فراق و داغ و الم
ابھی تو گھر میں بہت مہربان بیٹھے ہیں
اب اور گردشِ تقدیر کیا ستائے گی
لٹا کے عشق میں نام و نشان بیٹھے ہیں
وہ ایک لفظ محبت ہی دل کا دشمن ہے
جسے شریعتِ احساس مان بیٹھے ہیں
ہے میکدے کی بہاروں سے دوستی ساغرؔ
ورائے حدِ یقین و گمان بیٹھے ہیں
Qisse Meri Ulfat Ke Jo Marqoom Hain Saare – Mohsin Naqvi
Koi Bhi Lamha Kabhi Laut Kar Nahi Aaya — Amjad Islam Amjad
