Dasht-e-Tanhai Mein Ae Jaan-e-Jahan Larzan Hain

Dasht-e-Tanhai Mein Ae Jaan-e-Jahan Larzan Hain
Teri Aawaz Ke Saaye, Tere Honton Ke Saraab

Dasht-e-Tanhai Mein Doori Ke Khas-o-Khaak Tale
Khil Rahe Hain Tere Pehlu Ke Saman Aur Gulaab

Uth Rahi Hai Kahin Qurbat Se Teri Saans Ki Aanch
Apni Khushboo Mein Sulagti Hui Madham Madham

Door Ufaq Paar Chamakti Hui Qatra Qatra
Gir Rahi Hai Teri Dildaar Nazar Ki Shabnam

Is Qadar Pyaar Se Ae Jaan-e-Jahan Rakha Hai
Dil Ke Rukhsaar Pe Is Waqt Teri Yaad Ne Haath

Yun Gumaan Hota Hai Garche Hai Abhi Subah-e-Firaaq
Dhal Gaya Hijr Ka Din, Aa Bhi Gayi Wasl Ki Raat

دشت تنہائی میں اے جان جہاں لرزاں ہیں
تیری آواز کے سائے ترے ہونٹوں کے سراب

دشت تنہائی میں دوری کے خس و خاک تلے
کھل رہے ہیں ترے پہلو کے سمن اور گلاب

اٹھ رہی ہے کہیں قربت سے تری سانس کی آنچ
اپنی خوشبو میں سلگتی ہوئی مدھم مدھم

دور افق پار چمکتی ہوئی قطرہ قطرہ
گر رہی ہے تری دل دار نظر کی شبنم

اس قدر پیار سے اے جان جہاں رکھا ہے
دل کے رخسار پہ اس وقت تری یاد نے ہات

یوں گماں ہوتا ہے گرچہ ہے ابھی صبح فراق
ڈھل گیا ہجر کا دن آ بھی گئی وصل کی رات

یاد فیض احمد فیض