Dil Ki Baat Labon Par La Kar Ab Tak Hum Dukh Sahte Hain

Dil Ki Baat Labon Par La Kar Ab Tak Hum Dukh Sahte Hain
Hum Ne Suna Tha Is Basti Mein Dil Waale Bhi Rahte Hain

Beet Gaya Sawan Ka Mahina, Mausam Ne Nazrein Badlein
Lekin In Pyasi Aankhon Se Ab Tak Aansoo Bahte Hain

Ek Humein Aawara Kehna Koi Bada Ilzaam Nahin
Duniya Waale Dil Waalon Ko Aur Bahut Kuch Kahte Hain

Jin Ki Khatir Shahr Bhi Chhoda, Jin Ke Liye Badnaam Hue
Aaj Wahi Hum Se Begane, Begane Se Rahte Hain

Woh Jo Abhi Is Rahguzar Se Chaak-Gareban Guzra Tha
Us Aawara Deewane Ko Jalib Jalib Kahte Hain

دل کی بات لبوں پر لا کر اب تک ہم دکھ سہتے ہیں
ہم نے سنا تھا اس بستی میں دل والے بھی رہتے ہیں

بیت گیا ساون کا مہینہ موسم نے نظریں بدلیں
لیکن ان پیاسی آنکھوں سے اب تک آنسو بہتے ہیں

ایک ہمیں آوارہ کہنا کوئی بڑا الزام نہیں
دنیا والے دل والوں کو اور بہت کچھ کہتے ہیں

جن کی خاطر شہر بھی چھوڑا جن کے لیے بدنام ہوئے
آج وہی ہم سے بیگانے بیگانے سے رہتے ہیں

وہ جو ابھی اس راہ گزر سے چاک گریباں گزرا تھا
اس آوارہ دیوانے کو جالبؔ جالبؔ کہتے ہیں

دل کی بات لبوں پر لا کر اب تک ہم دکھ سہتے ہیں - حبیب جالب