Urdu Ghazal: Main Un Ko Kabhi Had Se Guzarne Nahin Dunga
Poet: Aleem Usmani
میں ان کو کبھی حد سے گزرنے نہیں دوں گا
اس ترک تعلق کو میں چلنے نہیں دوں گا
تم لاکھ اچھالا کرو الفاظ کے شعلے
فردوس محبت کو میں جلنے نہیں دوں گا
کرنا ہی پڑے چاہے صبا سے مجھے سازش
میں آپ کے گیسو کو سنورنے نہیں دوں گا
مایوس نگاہوں سے تم آئینہ نہ دیکھو
میں اپنی نگاہوں کو بدلنے نہیں دوں گا
باریک سہی لاکھ کسی شوخ کا آنچل
نظروں کو میں شیشے میں اترنے نہیں دوں گا
جب اس کی بچھڑتے ہوئے بھر آئیں گی آنکھیں
کس طرح میں ساون کو برسنے نہیں دوں گا
وہ چاہے علیمؔ اب کبھی آئیں کہ نہ آئیں
تا عمر میں پلکوں کو جھپکنے نہیں دوں گا
Main Un Ko Kabhi Had Se Guzarne Nahin Dunga
Is Tark-e-Talluq Ko Main Chalne Nahin Dunga
Tum Lakh Uchhala Karo Alfaz Ke Shole
Firdous-e-Mohabbat Ko Main Jalne Nahin Dunga
Karna Hi Pare Chahe Saba Se Mujhe Sazish
Main Aap Ke Gesu Ko Sanwarne Nahin Dunga
Mayus Nigahon Se Tum Aaina Na Dekho
Main Apni Nigahon Ko Badalne Nahin Dunga
Bareek Sahi Lakh Kisi Shokh Ka Aanchal
Nazron Ko Main Sheeshe Mein Utarne Nahin Dunga
Jab Us Ki Bichharte Hue Bhar Aayengi Aankhen
Kis Tarah Main Sawan Ko Barsne Nahin Dunga
Woh Chahe Aleem Ab Kabhi Aayen Ke Na Aayen
Ta Umar Main Palkon Ko Jhapkne Nahin Dunga
Ek Chhota Sa Khwaab Tha Jo Poora Nahi Hua – Urdu Sad Poetry
Safar Mein Dhoop To Hogi Jo Chal Sako To Chalo – Nida Fazli
