Na Kisi Ki Aankh Ka Noor Hoon | Lyrics in Urdu
Na Kisi Ki Aankh Ka Noor Hoon, Na Kisi Ke Dil Ka Qarar Hoon
Kisi Kaam Mein Jo Na Aa Sake, Main Woh Ek Musht-E-Ghubar Hoon
Na Dawa-E-Dard-E-Jigar Hoon Main, Na Kisi Ki Meethi Nazar Hoon Main
Na Idhar Hoon Main Na Udhar Hoon Main, Na Shakeeb Hoon Na Qarar Hoon
Mera Waqt Mujh Se Bichhar Gaya, Mera Rang Roop Bigar Gaya
Jo Khizan Se Baagh Ujar Gaya, Main Usi Ki Fasl-E-Bahar Hoon
Paye Fatiha Koi Aaye Kyun, Koi Chaar Phool Chadhaye Kyun
Koi Aa Ke Shama Jalaye Kyun, Main Woh Be-Kasi Ka Mazaar Hoon
Na Main Laag Hoon Na Lagao Hoon, Na Suhaag Hoon Na Subhao Hoon
Jo Bigar Gaya Woh Banao Hoon, Jo Nahi Raha Woh Singaar Hoon
Main Nahi Hoon Naghma-E-Jaan-Fiza, Mujhe Sun Ke Koi Karega Kya
Main Bade Beroog Ki Hoon Sada, Main Bade Dukhi Ki Pukaar Hoon
Na Main Muztar Un Ka Habib Hoon, Na Main Muztar Un Ka Raqeeb Hoon
Jo Bigar Gaya Woh Naseeb Hoon, Jo Ujar Gaya Woh Dayaar Hoon
Na Kisi Ki Aankh Ka Noor Hoon
Poetry in Urdu Text
نہ کسی کی آنکھ کا نور ہوں نہ کسی کے دل کا قرار ہوں
کسی کام میں جو نہ آ سکے میں وہ ایک مشت غبار ہوں
نہ دواۓ درد جگر ہوں میں نہ کسی کی میٹھی نظر ہوں میں
نہ ادھر ہوں میں نہ ادھر ہوں میں نہ شکیب ہوں نہ قرار ہوں
مرا وقت مجھ سے بچھڑ گیا مرا رنگ روپ بگڑ گیا
جو خزاں سے باغ اجڑ گیا میں اسی کی فصل بہار ہوں
پئے فاتحہ کوئی آئے کیوں کوئی چار پھول چڑھائے کیوں
کوئی آ کے شمع جلائے کیوں میں وہ بیکسی کا مزار ہوں
نہ میں لاگ ہوں نہ لگاؤ ہوں نہ سہاگ ہوں نہ سبھاؤ ہوں
جو بگڑ گیا وہ بناؤ ہوں جو نہیں رہا وہ سنگار ہوں
میں نہیں ہوں نغمۂ جاں فزا مجھے سن کے کوئی کرے گا کیا
میں بڑے بروگ کی ہوں صدا میں بڑے دکھی کی پکار ہوں
نہ میں مضطرؔ ان کا حبیب ہوں نہ میں مضطرؔ ان کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں
Khamosh Hain Nazare Ek Baar Muskura Do
Tere Pyar Mein Ruswa Ho Kar Jaayen Kahan Deewane Log
