Roz Ek Naya Sooraj Hai Teri Ataon Mein
Ahmad Nadeem Qasmi
Roz Ek Naya Sooraj Hai Teri Ataon Mein
Aitimaad Barhta Hai Subah Ki Fizaon Mein
Shayad Un Diyaroon Mein Khush-Dili Bhi Daulat Hai
Hum To Muskurate Hi Ghar Gaye Gadaon Mein
Bhaiyon Ke Jamghat Mein, Be-Rida Huin Behnen
Aur Sar Nahin Chhuptay Maon Ki Duaon Mein
Barishen To Yaaron Ne Kab Ki Bech Daali Hain
Ab To Sirf Ghairat Ki Raakh Hai Hawaon Mein
Sooni Sooni Galiyan Hain, Ujri Ujri Chaupalen
Jaise Koi Adam-Khor Phir Gaya Ho Gaon Mein
Jab Kisaan Kheton Mein Dopahar Mein Jalte Hain
Lautte Hain Sag-Zaade Keekaron Ki Chhaon Mein
Tum Hamare Bhai Ho, Bas Zara Si Doori Hai
Hum Faseel Ke Bahar, Tum Mahal Saraon Mein
Khoon Risne Lagta Hai Un Ke Damanon Se Bhi
Zakhm Chhup Nahin Sakte Reshmi Ridaon Se
Dosti Ke Parde Mein Dushmani Hui Itni
Reh Gaye Faqat Dushman Apne Aashnaon Mein
Aman Ka Khuda Hafiz, Jab Ke Nakhl-e-Zaitoon Ka
Shaakh Shaakh Batta Hai Bhooki Fakhtaon Mein
Ek Be-Gunah Ka Khoon Gham Jaga Gaya Kitne
Bat Gaya Hai Ek Beta, Be-Shumaar Maon Mein
Be-Waqar Azadi Hum Ghareeb Mulkon Ki
Taaj Sar Pe Rakha Hai, Beriyan Hain Paon Mein
Khaak Se Juda Ho Kar Apna Wazan Kho Baitha
Aadmi Muallaq Sa Reh Gaya Khalaon Mein
Ab Nadeem Manzil Ko Reza Reza Chunta Hai
Ghar Gaya Tha Bechara Kitne Rehnumaon Mein
روز، اک نیا سورج ہے تری عطاؤں میں
اعتماد بڑھتا ہے صبح کی فضاؤں میں
شاید ان دیاروں میں خوش دلی بھی دولت ہے
ہم تو مسکراتے ہی گھر گئے گداؤں میں
بھائیوں کے جمگھٹ میں، بے ردا ہوئیں بہنیں
اور سر نہیں چھپتے ماؤں کی دعاؤں میں
بارشیں تو یاروں نے کب کی بیچ ڈالی ہیں
اب تو صرف غیرت کی راکھ ہے ہواؤں میں
سُونی سُونی گلیاں ہیں، اُجڑی اُجڑی چوپالیں
جیسے کوئی آدم خور، پھر گیا ہو گاؤں میں
جب کسان کھیتوں میں دوپہر میں جلتے ہیں
لوٹتے ہیں سگ زادے کیکروں کی چھاؤں میں
تم ہمارے بھائی ہو، بس ذرا سی دوری ہے
ہم فصیل کے باہر ، تم محل سراؤں میں
خون رسنے لگتا ہے اُن کے دامنوں سے بھی
زخم چھپ نہیں سکتے، ریشمی رداؤں سے
دوستی کے پردے میں، دشمنی ہوئی اتنی
رہ گئے فقط دشمن اپنے آشناؤں میں
امن کا خدا حافظ۔ جب کے نخل زیتوں کا
شاخ شاخ بٹتا ہے بھوکی فاختاؤں میں
ایک بے گناہ کا خوں، غم جگا گیا کتنے
بٹ گیا ہے اک بیٹا، بے شمار ماؤں میں
بے وقار آزادی، ہم غریب ملکوں کی
تاج سر پہ رکھا ہے، بیڑیاں ہیں پاؤں میں
خاک سے جدا ہوکر اپنا وزن کھو بیٹھا
آدمی معلق سا رہ گیا خلاؤں میں
اب ندیم منزل کو ریزہ ریزہ چنتا ہے
گھر گیا تھا بےچارہ کتنے رہنماؤں میں
احمد ندیم قاسمی
Baith Jata Hai Woh Jab Mehfil Mein Aa Ke Samne – Munir Niazi
Dayar-e-Ghair Mein Kaise Tujhe Sada Dete – Wasi Shah
