Tum Se Ulfat Ke Taqaaze Na Nibahe Jaate – Ghazal
Tum Se Ulfat Ke Taqaaze Na Nibahe Jaate
Warna Hum Ko Bhi Tamanna Thi Ke Chaahe Jaate
Dil Ke Maaron Ka Na Kar Gham Ke Yeh Andoh-Naseeb
Zakhm Bhi Dil Mein Na Hota To Karaahe Jaate
Kam Nigahi Ki Humein Khud Bhi Kahan Thi Taufeeq
Kam Nigahi Ke Liye Uzr Na Chaahe Jaate
Kaash Ae Abr-E-Bahaari Tere Behke Se Qadam
Meri Umeed Ke Sehra Mein Bhi Gaahe Jaate
Hum Bhi Kyun Dehr Ki Raftaar Se Hote Paamaal
Hum Bhi Har Laghzish-E-Masti Ko Saraahe Jaate
Lazzat-E-Dard Se Aasooda Kahan Dil Waale
Hain Faqat Dard Ki Hasrat Mein Karaahe Jaate
Hai Tere Fitna-E-Raftaar Ka Shehra Kya Kya
Garche Dekha Na Kisi Ne Sar-E-Raahe Jaate
Di Na Muhlat Humein Hasti Ne Wafa Ki Warna
Aur Kuch Din Gham-E-Hasti Se Nibahe Jaate
تم سے الفت کے تقاضے نہ نباہے جاتے
ورنہ ہم کو بھی تمنا تھی کہ چاہے جاتے
دل کے ماروں کا نہ کر غم کہ یہ اندوہ نصیب
زخم بھی دل میں نہ ہوتا تو کراہے جاتے
کم نگاہی کی ہمیں خود بھی کہاں تھی توفیق
کم نگاہی کے لئے عذر نہ چاہے جاتے
کاش اے ابر بہاری ترے بہکے سے قدم
میری امید کے صحرا میں بھی گاہے جاتے
ہم بھی کیوں دہر کی رفتار سے ہوتے پامال
ہم بھی ہر لغزش مستی کو سراہے جاتے
لذت درد سے آسودہ کہاں دل والے
ہیں فقط درد کی حسرت میں کراہے جاتے
ہے ترے فتنۂ رفتار کا شہرا کیا کیا
گرچہ دیکھا نہ کسی نے سر راہے جاتے
دی نہ مہلت ہمیں ہستی نے وفا کی ورنہ
اور کچھ دن غم ہستی سے نباہے جاتے
