Yeh Kaun Aaj Meri Aankh Ke Hisaar Mein Hai
Amjad Islam Amjad
Yeh Kaun Aaj Meri Aankh Ke Hisaar Mein Hai
Mujhe Laga Ke Zameen Mere Ikhtiyaar Mein Hai
Charagh-E-Rang-E-Nawa, Ab Kahin Se Roshan Ho
Sukoot-E-Shaam-E-Safar, Kab Se Intezaar Mein Hai
Kuch Is Tarah Hai Teri Bazm Mein Yeh Dil, Jaise
Charagh-E-Shaam-E-Khizaan, Jashn-E-Nau Bahaar Mein Hai
Meri Hayaat Ke Saare Safar Pe Bhaari Hai
Woh Ek Pal Jo Teri Chashm-E-Aitibaar Mein Hai
Jo Uth Raha Hai Kisi Be-Nishaan Sehra Mein
Nishaan-E-Manzil-E-Hasti Usi Ghubaar Mein Hai
Hamari Kashti-E-Dil Mein Bhi Ab Nahin Woh Zor
Tumhare Husn Ka Darya Bhi Ab Utaar Mein Hai
Kabhi Hai Dhoop Kabhi Abr-E-Khushnuma Amjad
Ajab Tarah Ka Talawun Mizaaj-E-Yaar Mein Hai
— امجد اسلام امجد
یہ کون آج مِری آنکھ کے حصار میں ہے
مجھے لگا کہ زمیں میرے اختیار میں ہے
چراغِ رنگِ نوا، اب کہیں سے روشن ہو
سکوتِ شامِ سفر، کب سے انتظار میں ہے
کچھ اِس طرح ہے تری بزم میں یہ دل، جیسے
چراغِ شامِ خزاں، جشنِ نو بہار میں ہے
مِری حیات کے سارے سفر پہ بھاری ہے
وہ ایک پل جو تری چشمِ اعتبار میں ہے
جو اُٹھ رہا ہے کسی بے نشان صحرا میں
نشانِ منزلِ ہستی اُسی غبار میں ہے
ہماری کشتئ دل میں بھی اب نہیں وہ زور
تمہارے حسن کا دریا بھی اب اُتار میں ہے
کبھی ہے دُھوپ کبھی ابرِ خوش نما امجد
عجب طرح کا تلون مزاجِ یار میں ہے
Tere Gham Ko Jaan Ki Talaash Thi, Tere Jaan Nisaar Chale Gaye
Jab Sar-e-Shaam Koi Yaad Machal Jaati Hai Ghazal
Raat Jee Khol Ke Phir Main Ne Dua Maangi Hai
