Aur To Koi Bas Na Chalay Ga Hijr Ke Dard Ke Maaron Ka

Aur To Koi Bas Na Chalay Ga Hijr Ke Dard Ke Maaron Ka
Subah Ka Hona Doobhar Kar Dein Rasta Rok Sitaron Ka

Jhootay Sukoon Mein Bhi Utha Detay Hain Yeh Aksar Sachha Maal
Shaklein Dekh Ke Saude Karna Kaam Hai In Banjaron Ka

Apni Zabaan Se Kuch Na Kahain Ge Chup Hi Rahain Ge Aashiq Log
Tum Se To Itna Ho Sakta Hai Poocho Haal Becharon Ka

Jis Gypsy Ka Zikr Hai Tum Se Dil Ko Usi Ki Khoj Rahi
Yoon To Hamare Shehar Mein Aksar Mela Laga Nigaroon Ka

Aik Zara Si Baat Thi Jis Ka Charcha Pohuncha Gali Gali
Hum Gumnaamon Ne Phir Bhi Ehsaan Na Maana Yaaron Ka

Dard Ka Kehna Cheekh Hi Utho Dil Ka Kehna Waza Nibhao
Sab Kuch Sehna Chup Chup Rehna Kaam Hai Izzat Daaron Ka

Insha Ji Ab Ajnabiyon Mein Chain Se Baqi Umar Katay
Jin Ki Khatir Basti Chhori Naam Na Lo Un Pyaron Ka

اور تو کوئی بس نہ چلے گا ہجر کے درد کے ماروں کا
صبح کا ہونا دوبھر کر دیں رستہ روک ستاروں کا

جھوٹے سکوں میں بھی اٹھا دیتے ہیں یہ اکثر سچا مال
شکلیں دیکھ کے سودے کرنا کام ہے ان بنجاروں کا

اپنی زباں سے کچھ نہ کہیں گے چپ ہی رہیں گے عاشق لوگ
تم سے تو اتنا ہو سکتا ہے پوچھو حال بچاروں کا

جس جپسی کا ذکر ہے تم سے دل کو اسی کی کھوج رہی
یوں تو ہمارے شہر میں اکثر میلا لگا نگاروں کا

ایک ذرا سی بات تھی جس کا چرچا پہنچا گلی گلی
ہم گمناموں نے پھر بھی احسان نہ مانا یاروں کا

درد کا کہنا چیخ ہی اٹھو دل کا کہنا وضع نبھاؤ
سب کچھ سہنا چپ چپ رہنا کام ہے عزت داروں کا

انشاؔ جی اب اجنبیوں میں چین سے باقی عمر کٹے
جن کی خاطر بستی چھوڑی نام نہ لو ان پیاروں کا