Aap Apna Ghubaar Thay Hum To
Jaun Elia Ghazal
Aap Apna Ghubaar Thay Hum To
Yaad Thay Yaadgaar Thay Hum To
Pardagi Hum Se Kyun Rakha Parda
Tere Hi Pardadaar Thay Hum To
Waqt Ki Dhoop Mein Tumhare Liye
Shajar Saaya Daar Thay Hum To
Urray Jaatay Hain Dhool Ke Manind
Aandhiyon Par Sawar Thay Hum To
Hum Ne Kyun Khud Pe Aitbaar Kiya
Sakht Be Aitbaar Thay Hum To
Sharm Hai Apni Baar Baari Ki
Be Sabab Baar Baar Thay Hum To
Kyun Humein Kar Diya Gaya Majboor
Khud Hi Be Ikhtiyaar Thay Hum To
Tum Ne Kaisay Bhula Diya Hum Ko
Tum Se Hi Musta’ar Thay Hum To
Khush Na Aaya Humein Jiye Jana
Lamha Lamha Pe Baar Thay Hum To
Seh Bhi Letay Hamare Taanon Ko
Jaan Man Jaan Nisaar Thay Hum To
Khud Ko Dauran E Haal Mein Apne
Be Tarah Na Gawaar Thay Hum To
Tum Ne Hum Ko Bhi Kar Diya Barbaad
Nadir Rozgaar Thay Hum To
Hum Ko Yaaron Ne Yaad Bhi Na Rakha
Jaun Yaaron Ke Yaar Thay Hum To
آپ اپنا غبار تھے ہم تو
یاد تھے یادگار تھے ہم تو
پردگی ہم سے کیوں رکھا پردہ
تیرے ہی پردہ دار تھے ہم تو
وقت کی دھوپ میں تمہارے لیے
شجر سایہ دار تھے ہم تو
اڑے جاتے ہیں دھول کے مانند
آندھیوں پر سوار تھے ہم تو
ہم نے کیوں خود پہ اعتبار کیا
سخت بے اعتبار تھے ہم تو
شرم ہے اپنی بار باری کی
بے سبب بار بار تھے ہم تو
کیوں ہمیں کر دیا گیا مجبور
خود ہی بے اختیار تھے ہم تو
تم نے کیسے بھلا دیا ہم کو
تم سے ہی مستعار تھے ہم تو
خوش نہ آیا ہمیں جیے جانا
لمحے لمحے پہ بار تھے ہم تو
سہہ بھی لیتے ہمارے طعنوں کو
جان من جاں نثار تھے ہم تو
خود کو دوران حال میں اپنے
بے طرح ناگوار تھے ہم تو
تم نے ہم کو بھی کر دیا برباد
نادر روزگار تھے ہم تو
ہم کو یاروں نے یاد بھی نہ رکھا
جونؔ یاروں کے یار تھے ہم تو
Guzar Gaye Kayi Mausam Kayi Raten Badlein
Zinda Hoon Is Tarah Ke Gham-e-Zindagi Nahin
