Baadbaan Khulne Se Pehle Ka Ishara Dekhna - Parveen Shakir

Baadbaan Khulne Se Pehle Ka Ishara Dekhna
Main Samandar Dekhti Hoon Tum Kinara Dekhna

Yoon Bichharna Bhi Bohat Aasaan Na Tha Us Se Magar
Jatay Jatay Us Ka Woh Mur Kar Dobara Dekhna

Kis Shabahat Ko Liye Aaya Hai Darwazay Pe Chaand
Aye Shab E Hijraan Zara Apna Sitara Dekhna

Kya Qayamat Hai Ke Jin Ke Naam Par Paspa Huay
Un Hi Logon Ko Muqabil Mein Saf Aara Dekhna

Jab Banaam E Dil Gawahi Sar Ki Maangi Jayegi
Khoon Mein Dooba Hua Parcham Hamara Dekhna

Jeetne Mein Bhi Jahan Ji Ka Ziyaan Pehle Se Hai
Aisi Baazi Haarne Mein Kya Khasara Dekhna

Aainay Ki Aankh Hi Kuch Kam Na Thi Mere Liye
Janay Ab Kya Kya Dikhaye Ga Tumhara Dekhna

Ek Musht E Khaak Aur Woh Bhi Hawa Ki Zad Mein Hai
Zindagi Ki Be Basi Ka Istaara Dekhna

بادباں کھلنے سے پہلے کا اشارہ دیکھنا
میں سمندر دیکھتی ہوں تم کنارہ دیکھنا

یوں بچھڑنا بھی بہت آساں نہ تھا اس سے مگر
جاتے جاتے اس کا وہ مڑ کر دوبارہ دیکھنا

کس شباہت کو لیے آیا ہے دروازے پہ چاند
اے شب ہجراں ذرا اپنا ستارہ دیکھنا

کیا قیامت ہے کہ جن کے نام پر پسپا ہوئے
ان ہی لوگوں کو مقابل میں صف آرا دیکھنا

جب بنام دل گواہی سر کی مانگی جائے گی
خون میں ڈوبا ہوا پرچم ہمارا دیکھنا

جیتنے میں بھی جہاں جی کا زیاں پہلے سے ہے
ایسی بازی ہارنے میں کیا خسارہ دیکھنا

آئنے کی آنکھ ہی کچھ کم نہ تھی میرے لیے
جانے اب کیا کیا دکھائے گا تمہارا دیکھنا

ایک مشت خاک اور وہ بھی ہوا کی زد میں ہے
زندگی کی بے بسی کا استعارہ دیکھنا

Baadbaan Khulne Se Pehle Ka Ishara Dekhna – Parveen Shakir