Woh Jo Apna Yaar Tha Der Ka – Munir Niazi

Woh Jo Apna Yaar Tha Der Ka
Munir Niazi

Woh Jo Apna Yaar Tha Der Ka Kisi Aur Shehar Mein Ja Basa
Koi Shakhs Us Ke Makaan Mein Kisi Aur Shehar Ka Aa Basa

Yahi Aana Jaana Hai Zindagi, Kahin Dosti Kahin Ajnabi
Yahi Rishta Kaar-e-Hayat Hai Kabhi Qurb Ka Kabhi Door Ka

Mile Is Mein Log Rawaan Dawaan, Koi Be-Wafa Koi Ba-Wafa
Kati Umar Yahan Wahan, Kahin Dil Laga Ke Nahi Laga

Koi Khwab Aisa Bhi Hai Yahan Jise Dekh Sakte Hon Der Tak
Kisi Da’imi Shab-e-Wasal Ka Kisi Mustaqil Gham-e-Yaar Ka

Woh Jo Is Jahan Se Guzar Gaye Kisi Aur Shehar Mein Zinda Hain
Koi Aisa Shehar Zaroor Hai Unhi Doston Se Bhara Hua

Yunhi Hum Munir Pade Rahe Kisi Ek Makaan Ki Panah Mein
Ke Nikal Ke Ek Panah Se Kahin Aur Jaane Ka Dum Na Tha

— Munir Niazi Poetry in Urdu

وہ جو اپنا یار تھا دیر کا کسی اور شہر میں جا بسا
کوئی شخص اس کے مکان میں کسی اور شہر کا آ بسا

یہی آنا جانا ہے زندگی, کہیں دوستی کہیں اجنبی
یہی رشتہ کارِ حیات ہے کبھی قرب کا کبھی دور کا

ملے اس میں لوگ رواں دواں کوئی بے وفا کوئی با وفا
کٹی عمر یہاں وہاں, کہیں دل لگا کہ نہیں لگا

کوئی خواب ایسا بھی ہے یہاں جسے دیکھ سکتے ہوں دیر تک
کسی دائمی شب وصل کا کسی مستقل غم یار کا

وہ جو اس جہاں سے گزر گئے کسی اور شہر میں زندہ ہیں
کوئی ایسا شہر ضرور ہے انہی دوستوں سے بھرا ہوا

یونہی ہم منیر پڑے رہے کسی اک مکاں کی پناہ میں
کہ نکل کے ایک پناہ سے کہیں اور جانے کا دم نہ تھا​

منیر نیازی