Khamoshi Achhi Nahi, Inkaar Hona Chahiye - Zafar Iqbal

Khamoshi Achhi Nahi, Inkaar Hona Chahiye
Yeh Tamasha Ab Sar-E-Bazaar Hona Chahiye

Khwab Ki Tabeer Par Israar Hai Jin Ko Abhi
Pehle Un Ko Khwab Se Bedaar Hona Chahiye

Doob Kar Marna Bhi Usloob-E-Mohabbat Ho To Ho
Woh Jo Dariya Hai To Us Ko Paar Hona Chahiye

Ab Wohi Karne Lage Deedar Se Aage Ki Baat
Jo Kabhi Kehte Thay Bas Deedar Hona Chahiye

Baat Poori Hai Adhuri Chahiye Ae Jaan-E-Jaan
Kaam Aasaan Hai Ise Dushwaar Hona Chahiye

Dosti Ke Naam Par Kije Na Kyun Kar Dushmani
Kuch Na Kuch Aakhir Tareeqa-E-Kaar Hona Chahiye

Jhoot Bola Hai To Qaim Bhi Raho Us Par Zafar
Aadmi Ko Sahib-E-Kirdar Hona Chahiye

خامشی اچھی نہیں انکار ہونا چاہئے
یہ تماشا اب سر بازار ہونا چاہئے

خواب کی تعبیر پر اصرار ہے جن کو ابھی
پہلے ان کو خواب سے بیدار ہونا چاہئے

ڈوب کر مرنا بھی اسلوب محبت ہو تو ہو
وہ جو دریا ہے تو اس کو پار ہونا چاہئے

اب وہی کرنے لگے دیدار سے آگے کی بات
جو کبھی کہتے تھے بس دیدار ہونا چاہئے

بات پوری ہے ادھوری چاہئے اے جان جاں
کام آساں ہے اسے دشوار ہونا چاہئے

دوستی کے نام پر کیجے نہ کیونکر دشمنی
کچھ نہ کچھ آخر طریق کار ہونا چاہئے

جھوٹ بولا ہے تو قائم بھی رہو اس پر ظفرؔ
آدمی کو صاحب کردار ہونا چاہئے

Khamoshi Achhi Nahi, Inkaar Hona Chahiye – Zafar Iqbal