Hum To Maujood Thay Raaton Mein Ujaalon Ki Tarah

Hum To Maujood Thay Raaton Mein Ujaalon Ki Tarah
Log Nikle Hi Nahi Dhoondne Walon Ki Tarah

Jaane Kyun Waqt Bhi Aankhein Bhi Qalam Bhi Lab Bhi
Aaj Khamosh Hain Guzray Huye Saalon Ki Tarah

Hajatein Zeest Ko Ghairay Mein Liye Rakhti Hain
Khasta Deewar Se Chimtay Huye Jaalon Ki Tarah

Raat Bheegi To Sisakti Hui Khamoshi Se
Aasmaan Phoot Para Jism Ke Chaalon Ki Tarah

Saari Rahein Sabhi Sochain Sabhi Baatein Sabhi Khwaab
Kyun Hain Tareekh Ke Be-Rabt Hawaalon Ki Tarah

Zindagi Khushk Hai Veeran Hai Afsurda Hai
Ek Mazdoor Ke Bikhre Huye Baalon Ki Tarah

Zakhm Pehne Huye Masoom Bhikari Bachay
Safha-e-Dahr Pe Bikhre Hain Sawalon Ki Tarah

ہم تو موجود تھے راتوں میں اجالوں کی طرح
لوگ نکلے ہی نہیں ڈھونڈنے والوں کی طرح

جانے کیوں وقت بھی آنکھیں بھی قلم بھی لب بھی
آج خاموش ہیں گزرے ہوئے سالوں کی طرح

حاجتیں زیست کو گھیرے میں لیے رکھتی ہیں
خستہ دیوار سے چمٹے ہوئے جالوں کی طرح

رات بھیگی تو سسکتی ہوئی خاموشی سے
آسماں پھوٹ پڑا جسم کے چھالوں کی طرح

ساری راہیں سبھی سوچیں سبھی باتیں سبھی خواب
کیوں ہیں تاریخ کے بے ربط حوالوں کی طرح

زندگی خشک ہے ویران ہے افسردہ ہے
ایک مزدور کے بکھرے ہوئے بالوں کی طرح

زخم پہنے ہوئے معصوم بھکاری بچے
صفحۂ دہر پہ بکھرے ہیں سوالوں کی طرح

Poet: Sarwar Amaan

ہم تو موجود تھے راتوں میں اجالوں کی طرح سرور ارمان