Phir Se Tere Naqoosh-e-Nazar Pe Ayaan Hue - Ghazal

Phir Se Tere Naqoosh-e-Nazar Pe Ayaan Hue
Lo Phir Visaal-e-Yaar Ke Lamhe Jawaan Hue

Ek Baat Barh Ke Baais-e-Narazgi Hui
Kuch Lafz Munh Se Nikle To Aah-o-Fughaan Hue

Tere Sabhi Durogh Wajahat Mein Chhup Gaye
Aur Meri Saaf Baat Pe Kitne Gumaan Hue

Kyun Kar Karenge Yaad Woh Dard-e-Firaaq Mein
Hum Is Qadar Qareeb Bhi Un Ke Kahaan Hue

Mohlat Hi Kab Mili Ke Sambhal Paate Hum Qamar
Hum Par To Jitne Zulm Hue Nagehaan Hue

پھر سے ترے نقوش نظر پہ عیاں ہوئے
لو پھر وصال یار کے لمحے جواں ہوئے

اک بات بڑھ کے باعث ناراضگی ہوئی
کچھ لفظ منہ سے نکلے تو آہ و فغاں ہوئے

تیرے سبھی دروغ وجاہت میں چھپ گئے
اور میری صاف بات پہ کتنے گماں ہوئے

کیوں کر کریں گے یاد وہ درد فراق میں
ہم اس قدر قریب بھی ان کے کہاں ہوئے

مہلت ہی کب ملی کہ سنبھل پاتے ہم قمرؔ
ہم پر تو جتنے ظلم ہوئے ناگہاں ہوئے

Phir Se Tere Naqoosh-e-Nazar Pe Ayaan Hue – Ghazal