Chalte Ho To Chaman Ko Chaliye — Mir Taqi Mir

Chalte Ho To Chaman Ko Chaliye, Kahte Hain Ki Baharan Hai
Pat Hare Hain, Phool Khile Hain, Kam-Kam Baad-O-Baran Hai

Rang Hawa Se Yun Tapke Hai Jaise Sharab Chuwate Hain
Aage Ho Mai-Khane Ke Niklo, Ahd-E-Bada-Gusaran Hai

Ishq Ke Maidan-Daron Mein Bhi Marne Ka Hai Wasf Bahut
Yani Musibat Aisi Uthana Kar-E-Kar-Guzaran Hai

Dil Hai Dagh, Jigar Hai Tukde, Aansu Sare Khun Hue
Lohu Pani Ek Kare Ye Ishq-E-Lala-Azaran Hai

Kohkan O Majnun Ki Khatir Dasht-O-Koh Mein Hum Na Gae
Ishq Mein Hum Ko ‘Mir’ Nihayat Pas-E-Izzat-Daran Hai

چلتے ہو تو چمن کو چلئے کہتے ہیں کہ بہاراں ہے میر تقی میر

چلتے ہو تو چمن کو چلئے کہتے ہیں کہ بہاراں ہے
پات ہرے ہیں پھول کھلے ہیں کم کم باد و باراں ہے

رنگ ہوا سے یوں ٹپکے ہے جیسے شراب چواتے ہیں
آگے ہو مے خانے کے نکلو عہد بادہ گساراں ہے

عشق کے میداں داروں میں بھی مرنے کا ہے وصف بہت
یعنی مصیبت ایسی اٹھانا کار کار گزاراں ہے

دل ہے داغ جگر ہے ٹکڑے آنسو سارے خون ہوئے
لوہو پانی ایک کرے یہ عشق لالہ عذاراں ہے

کوہ کن و مجنوں کی خاطر دشت و کوہ میں ہم نہ گئے
عشق میں ہم کو میرؔ نہایت پاس عزت داراں ہے

چلتے ہو تو چمن کو چلئے کہتے ہیں کہ بہاراں ہے میر تقی میر