Mumkin Ho Aap Se To Bhula Dijiye Mujhe
Poetry in Urdu Text
ممکن ہو آپ سے تو بھلا دیجئے مجھے
پتھر پہ ہوں لکیر مٹا دیجئے مجھے
ہر روز مجھ سے تازہ شکایت ہے آپ کو
میں کیا ہوں، ایک بار بتا دیجئے مجھے
میرے سوا بھی ہے کوئی موضوعِ گفتگو
اپنا بھی کوئی رنگ دکھا دیجئے مجھے
میں کیا ہوں کس جگہ ہوں مجھے کچھ خبر نہیں
ہیں آپ کتنی دور صدا دیجئے مجھے
کی میں نے اپنے زخم کی تشہیر جا بجا
میں مانتا ہوں جرم سزا دیجئے مجھے
قائم تو ہو سکے کوئی رشتہ گہر کے ساتھ
گہرے سمندروں میں بہا دیجئے مجھے
شب بھر کرن کرن کو ترسنے سے فائدہ
ہے تیرگی تو آگ لگا دیجئے مجھے
جلتے دنوں میں خود پسِ دیوار بیٹھ کر
سائے کی جستجو میں لگا دیجئے مجھے
شہزادؔ یوں تو شعلۂ جاں سرد ہو چکا
لیکن سُلگ اٹھیں تو ہوا دیجئے مجھے
شہزاد احمد
Mumkin Ho Aap Se To Bhula Dijiye Mujhe
Pathar Pe Hun Lakeer Mita Dijiye Mujhe
Har Roz Mujh Se Taza Shikayat Hai Aap Ko
Main Kya Hun, Ek Baar Bata Dijiye Mujhe
Mere Siwa Bhi Hai Koi Mauzu-e-Guftagu
Apna Bhi Koi Rang Dikha Dijiye Mujhe
Main Kya Hun Kis Jagah Hun Mujhe Kuch Khabar Nahi
Hain Aap Kitni Door Sada Dijiye Mujhe
Ki Main Ne Apne Zakhm Ki Tashheer Ja Baja
Main Maanta Hun Jurm Saza Dijiye Mujhe
Qaim To Ho Sake Koi Rishta Gauhar Ke Sath
Gehre Samandaron Mein Baha Dijiye Mujhe
Shab Bhar Kiran Kiran Ko Tarasne Se Faida
Hai Teergi To Aag Laga Dijiye Mujhe
Jalte Dinon Mein Khud Pas-e-Deewar Baith Kar
Saaye Ki Justuju Mein Laga Dijiye Mujhe
Shehzad Yun To Shola-e-Jaan Sard Ho Chuka
Lekin Sulag Uthein To Hawa Dijiye Mujhe
Jamaal-e-Yaar Aur Us Ka Bayaan Mohabbat Hai
Is Darja Bad-Guman Hain Khuloos-e-Bashar Se Hum
Tere Pyar Mein Ruswa Ho Kar Jaayen Kahan Deewane Log (Lyrics)
