Janay Kis Ki Thi Khata Yaad Nahi - Sufi Tabbasum

Janay Kis Ki Thi Khata Yaad Nahi
Hum Huay Kaisay Juda Yaad Nahi

Aik Shola Sa Utha Tha Dil Mein
Janay Kis Ki Thi Sada Yaad Nahi

Aik Naghma Sa Suna Tha Main Ne
Kaun Tha Shola Nawa Yaad Nahi

Roz Dohratay Thay Afsana E Dil
Kis Tarah Bhool Gaya Yaad Nahi

Aik Faqat Yaad Hai Jana Un Ka
Aur Kuch Is Ke Siwa Yaad Nahi

Tu Meri Jaan Tamanna Thi Kabhi
Ae Meri Jaan Wafa Yaad Nahi

Hum Bhi Thay Teri Tarah Aawara
Kya Tujhe Baad E Saba Yaad Nahi

Hum Bhi Thay Teri Nawaon Mein Shareek
Tair E Naghma Sara Yaad Nahi

Haal E Dil Kaisay Tabassum Ho Bayan
Janay Kya Yaad Hai Kya Yaad Nahi

جانے کس کی تھی خطا یاد نہیں
ہم ہوئے کیسے جدا یاد نہیں

ایک شعلہ سا اٹھا تھا دل میں
جانے کس کی تھی صدا یاد نہیں

ایک نغمہ سا سنا تھا میں نے
کون تھا شعلہ نوا یاد نہیں

روز دہراتے تھے افسانۂ دل
کس طرح بھول گیا یاد نہیں

اک فقط یاد ہے جانا ان کا
اور کچھ اس کے سوا یاد نہیں

تو مری جان تمنا تھی کبھی
اے مری جان وفا یاد نہیں

ہم بھی تھے تیری طرح آوارہ
کیا تجھے باد صبا یاد نہیں

ہم بھی تھے تیری نواؤں میں شریک
طائر نغمہ سرا یاد نہیں

حال دل کیسے تبسمؔ ہو بیاں
جانے کیا یاد ہے کیا یاد نہیں

Janay Kis Ki Thi Khata Yaad Nahi – Sufi Tabbasum