Dil De Raha Tha Jo Use Be-Dil Bana Diya - Arzoo Lakhnavi

Dil De Raha Tha Jo Use Be-Dil Bana Diya
Arzoo Lakhnavi Poetry

Dil De Raha Tha Jo Use Be-Dil Bana Diya
Aasaan Kaam Aap Ne Mushkil Bana Diya

Har Saans Ek Shola Hai Har Shola Ek Barq
Kya Tu Ne Mujh Ko Ae Tapish Dil Bana Diya

Is Husn-e-Zann Pe Hum-Safaron Ke Hoon Pa-Ba-Gul
Mujh Be-Khabar Ko Rahbar-e-Manzil Bana Diya

Andha Hai Shauq Phir Nazar-e-Imkaan Par Ho Kyun
Kaam Apna Dil Ne Aap Hi Mushkil Bana Diya

Daura Lahoo Ragon Mein Bandhi Zindagi Ki Aas
Yeh Bhi Bura Nahi Hai Jo Bismil Bana Diya

Gharq-o-Uboor Dono Ka Haasil Hai Khatm-e-Kaar
Majbooriyon Ne Mauj Ko Saahil Bana Diya

Is Shaan-e-Aajizi Ke Fida Jis Ne Arzoo
Har Naaz Har Guroor Ke Qaabil Bana Diya

دل دے رہا تھا جو اسے بے دل بنا دیا
آسان کام آپ نے مشکل بنا دیا

ہر سانس ایک شعلہ ہے ہر شعلہ ایک برق
کیا تو نے مجھ کو اے تپش دل بنا دیا

اس حسن ظن پہ ہم سفروں کے ہوں پا بہ گل
مجھ بے خبر کو رہبر منزل بنا دیا

اندھا ہے شوق پھر نظر امکان پر ہو کیوں
کام اپنا دل نے آپ ہی مشکل بنا دیا

دوڑا لہو رگوں میں بندھی زندگی کی آس
یہ بھی برا نہیں ہے جو بسمل بنا دیا

غرق و عبور دونوں کا حاصل ہے ختم کار
مجبوریوں نے موج کو ساحل بنا دیا

اس شان عاجزی کے فدا جس نے آرزوؔ
ہر ناز ہر غرور کے قابل بنا دیا