Aankh Se Dil Mein Aane Wala - Arzoo Lhanavi

Aankh Se Dil Mein Aane Wala
Dil Se Nahi Ab Jaane Wala

Ghar Ko Phoonk Ke Jaane Wala
Phir Ke Nahi Hai Aane Wala

Dost To Hai Nadaan Hai Lekin
Be Samjhe Samjhane Wala

Aansu Poonch Ke Hans Deta Hai
Aag Mein Aag Lagane Wala

Hai Jo Koi To Dhyaan Usi Ka
Aane Wala Jaane Wala

Husn Ki Basti Mein Hai Yaaro
Koi Taras Bhi Khane Wala

Daal Raha Hai Kaam Mein Mushkil
Mushkil Mein Kaam Aane Wala

Di Thi Tasalli Yeh Kis Dil Se
Chup Na Hua Chalane Wala

Khwab Ke Parday Mein Aata Hai
Sota Paa Ke Jagane Wala

Ek Din Parda Khud Ulatay Ga
Chhup Chhup Ke Tarsane Wala

Arzoo Un Ke Aagay Hai Chup Kyun
Tum Sa Baatein Banane Wala

آنکھ سے دل میں آنے والا
دل سے نہیں اب جانے والا

گھر کو پھونک کے جانے والا
پھر کے نہیں ہے آنے والا

دوست تو ہے نادان ہے لیکن
بے سمجھے سمجھانے والا

آنسو پونچھ کے ہنس دیتا ہے
آگ میں آگ لگانے والا

ہے جو کوئی تو دھیان اسی کا
آنے والا جانے والا

حسن کی بستی میں ہے یارو
کوئی ترس بھی کھانے والا

ڈال رہا ہے کام میں مشکل
مشکل میں کام آنے والا

دی تھی تسلی یہ کس دل سے
چپ نہ ہوا چلانے والا

خواب کے پردے میں آتا ہے
سوتا پا کے جگانے والا

اک دن پردہ خود الٹے گا
چھپ چھپ کے ترسانے والا

آرزوؔ ان کے آگے ہے چپ کیوں
تم سا باتیں بنانے والا

Aankh Se Dil Mein Aane Wala – Arzoo Lhanavi