Dil Se Teri Nigah Jigar Tak Utar Gai

Dil Se Teri Nigah Jigar Tak Utar Gai
Donon Ko Ek Ada Mein Raza-Mand Kar Gai

Shaq Ho Gaya Hai Sina, Khusha Lazzat-E-Faragh
Taklif-E-Parda-Dari-E-Zakhm-E-Jigar Gai

Woh Bada-E-Shabana Ki Sarmastiyan Kahan
Uthiye Bas Ab Ki Lazzat-E-Khwab-E-Sahar Gai

Udti Phire Hai Khak Meri Ku-E-Yar Mein
Bare Ab Ai Hawa Hawas-E-Baal-O-Par Gai

Dekho To Dil-Farebi-E-Andaz-E-Naqsh-E-Pa
Mauj-E-Khiram-E-Yar Bhi Kya Gul Katar Gai

Har Bul-Hawas Ne Husn-Parasti Shiar Ki
Ab Aabru-E-Shewa-E-Ahl-E-Nazar Gai

Nazzare Ne Bhi Kaam Kiya Wan Naqab Ka
Masti Se Har Nigah Tere Rukh Par Bikhar Gai

Farda O Di Ka Tafraqa Yak Bar Mit Gaya
Kal Tum Gae Ki Hum Pe Qayamat Guzar Gai

Mara Zamane Ne Asadullah Khan Tumhein
Woh Walwale Kahan, Woh Jawani Kidhar Gai

دل سے تری نگاہ جگر تک اتر گئی
دونوں کو اک ادا میں رضامند کر گئی

شق ہو گیا ہے سینہ خوشا لذت فراغ
تکلیف پردہ داری زخم جگر گئی

وہ بادۂ شبانہ کی سرمستیاں کہاں
اٹھیے بس اب کہ لذت خواب سحر گئی

اڑتی پھرے ہے خاک مری کوئے یار میں
بارے اب اے ہوا ہوس بال و پر گئی

دیکھو تو دل فریبی انداز نقش پا
موج خرام یار بھی کیا گل کتر گئی

ہر بوالہوس نے حسن پرستی شعار کی
اب آبروئے شیوۂ اہل نظر گئی

نظارہ نے بھی کام کیا واں نقاب کا
مستی سے ہر نگہ ترے رخ پر بکھر گئی

فردا و دی کا تفرقہ یک بار مٹ گیا
کل تم گئے کہ ہم پہ قیامت گزر گئی

مارا زمانہ نے اسداللہ خاں تمہیں
وہ ولولے کہاں وہ جوانی کدھر گئی

Read More Mirza Ghalib Poetry:

Dil Se Teri Nigah Jigar Tak Utar Gai – Mirza Ghalib