Na Harif-E-Jaan Na Sharik-E-Gham, Shab-E-Intizar Koi To Ho

Na Harif-E-Jaan Na Sharik-E-Gham, Shab-E-Intizar Koi To Ho
Kise Bazm-E-Shauq Mein Laen Hum, Dil-E-Be-Qarar Koi To Ho

Kise Zindagi Hai Aziz Ab, Kise Aarzoo-E-Shab-E-Tarab
Magar Ai Nigar-E-Wafa-Talab, Tera Etibar Koi To Ho

Kahin Tar-E-Daman-E-Gul Mile, To Ye Maan Len Ki Chaman Khile
Ki Nishan Fasl-E-Bahaar Ka, Sar-E-Shakh-Sar Koi To Ho

Ye Udaas Udaas Se Baam-O-Dar, Ye Ujad Ujad Si Rah-Guzar
Chalo Hum Nahin Na Sahi Magar, Sar-E-Ku-E-Yar Koi To Ho

Ye Sukun-E-Jaan Ki Ghadi Dhale, To Charagh-E-Dil Hi Na Bujh Chale
Woh Bala Se Ho Gham-E-Ishq Ya Gham-E-Rozgar, Koi To Ho

Sar-E-Maqtal-E-Shab-E-Aarzoo, Rahe Kuchh To Ishq Ki Aabru
Jo Nahin Adu To Faraz Tu, Ki Naseeb-E-Dar Koi To Ho

نہ حریف جاں نہ شریک غم شب انتظار کوئی تو ہو
کسے بزم شوق میں لائیں ہم دل بے قرار کوئی تو ہو

کسے زندگی ہے عزیز اب کسے آرزوئے شب طرب
مگر اے نگار وفا طلب ترا اعتبار کوئی تو ہو

کہیں تار دامن گل ملے تو یہ مان لیں کہ چمن کھلے
کہ نشان فصل بہار کا سر شاخسار کوئی تو ہو

یہ اداس اداس سے بام و در یہ اجاڑ اجاڑ سی رہگزر
چلو ہم نہیں نہ سہی مگر سر کوئے یار کوئی تو ہو

یہ سکون جاں کی گھڑی ڈھلے تو چراغ دل ہی نہ بجھ چلے
وہ بلا سے ہو غم عشق یا غم روزگار کوئی تو ہو

سر مقتل شب آرزو رہے کچھ تو عشق کی آبرو
جو نہیں عدو تو فرازؔ تو کہ نصیب دار کوئی تو ہو

Read More Ahmad Faraz Poetry

نہ حریف جاں نہ شریک غم شب انتظار کوئی تو ہو احمد فراز