Saqiya Ek Nazar Jaam Se Pehle Pehle - Faraz

Saqiya Ek Nazar Jaam Se Pehle Pehle
Hum Ko Jaana Hai Kahin Shaam Se Pehle Pehle

Nau-Giraftar-e-Wafa Sa’i-e-Rihai Hai Abas
Hum Bhi Uljhe The Bahut Daam Se Pehle Pehle

Khush Ho Ae Dil Ke Mohabbat To Nibha Di Tu Ne
Log Ujad Jaate Hain Anjaam Se Pehle Pehle

Ab Tere Zikr Pe Hum Baat Badal Dete Hain
Kitni Raghbat Thi Tere Naam Se Pehle Pehle

Saamne Umar Padi Hai Shab-e-Tanhai Ki
Woh Mujhe Chhod Gaya Shaam Se Pehle Pehle

Kitna Achha Tha Ke Hum Bhi Jiya Karte The Faraz
Ghair Ma’roof Se Gumnaam Se Pehle Pehle

ساقیا ایک نظر جام سے پہلے پہلے
ہم کو جانا ہے کہیں شام سے پہلے پہلے

نو گرفتار وفا سعئ رہائی ہے عبث
ہم بھی الجھے تھے بہت دام سے پہلے پہلے

خوش ہو اے دل کہ محبت تو نبھا دی تو نے
لوگ اجڑ جاتے ہیں انجام سے پہلے پہلے

اب ترے ذکر پہ ہم بات بدل دیتے ہیں
کتنی رغبت تھی ترے نام سے پہلے پہلے

سامنے عمر پڑی ہے شب تنہائی کی
وہ مجھے چھوڑ گیا شام سے پہلے پہلے

کتنا اچھا تھا کہ ہم بھی جیا کرتے تھے فرازؔ
غیر معروف سے گمنام سے پہلے پہلے

Saqiya Ek Nazar Jaam Se Pehle Pehle – Faraz