Shaoor Mein Kabhi Ehsaas Mein Basaaun Use - Urdu Ghazal

Shaoor Mein Kabhi Ehsaas Mein Basaaun Use
Magar Main Chaar Taraf Be-Hijaab Paaun Use

Agarche Fart-e-Haya Se Nazar Na Aaun Use
Woh Rooth Jaye To Sau Tarah Se Manaaun Use

Taveel Hijr Ka Yeh Jabr Hai Ke Sochta Hoon
Jo Dil Mein Basta Hai Ab Haath Bhi Lagaaun Use

Use Bula Ke Mila Umar Bhar Ka Sannata
Magar Yeh Shauq Ke Ek Baar Phir Bulaaun Use

Andheri Raat Mein Jab Raasta Nahin Milta
Main Sochta Hoon Kahan Ja Ke Dhoond Laaun Use

Abhi Tak Us Ka Tasawwur To Mere Bas Mein Hai
Woh Dost Hai To Khuda Kis Liye Banaun Use

Nadeem Tark-e-Mohabbat Ko Ek Umar Hui
Main Ab Bhi Soch Raha Hoon Ke Bhool Jaaun Use

شعور میں کبھی احساس میں بساؤں اسے
مگر میں چار طرف بے حجاب پاؤں اسے

اگرچہ فرط حیا سے نظر نہ آؤں اسے
وہ روٹھ جائے تو سو طرح سے مناؤں اسے

طویل ہجر کا یہ جبر ہے کہ سوچتا ہوں
جو دل میں بستا ہے اب ہاتھ بھی لگاؤں اسے

اسے بلا کے ملا عمر بھر کا سناٹا
مگر یہ شوق کہ اک بار پھر بلاؤں اسے

اندھیری رات میں جب راستہ نہیں ملتا
میں سوچتا ہوں کہاں جا کے ڈھونڈ لاؤں اسے

ابھی تک اس کا تصور تو میرے بس میں ہے
وہ دوست ہے تو خدا کس لیے بناؤں اسے

ندیمؔ ترک محبت کو ایک عمر ہوئی
میں اب بھی سوچ رہا ہوں کہ بھول جاؤں اسے

Shaoor Mein Kabhi Ehsaas Mein Basaaun Use – Urdu Ghazal