کَدی کدی اے جی کردا اے
جان بُجھ کے گھر دا کوئی کم وگاڑاں
برتن توڑاں
یا نِکے دا کَن مروڑاں
ماں غُصے وِچ آوے تے میں
اگے چڑھ کے دوڑاں
کَنوں پَھڑ کے ماں گلی چوں
مینوں گھر لیاوے
رج کے پھینٹی لاوے
اک دو گھنٹے مگروں اپنے
سینے دے نال لاوے
صدقے واری جاوے
دَس ہاں مینوں یار حکیما !
ہے کوئی بابا, پِیر, فقیر, یا جادوگر جو
ویلا موڑ لیاوے
ٹُر دی پِھردی،ہسدی کِھڑدی
ماں نال فیر ملاوے
ویلا موڑ لیاوے!
Kadi Kadi Ae Ji Karda Ae
Jaan Bujh Ke Ghar Da Koi Kam Wigaaraan
Bartan Toran
Ya Nikke Da Kann Maroran
Maan Ghusse Vich Aave Te Main
Agge Charh Ke Doran
Kannon Phar Ke Maan Gali Chon
Mainu Ghar Liyaave
Rajj Ke Phenti Laave
Ik Do Ghante Magron Apne
Seene De Naal Laave
Sadqe Vari Jaave
Dass Haan Mainu Yaar Hakima!
Hai Koi Baba, Peer, Faqeer, Ya Jadugar Jo
Vela Mor Liyaave
Turdi Phirdi, Hasdi Khirdi
Maan Naal Pher Milaave
Vela Mor Liyaave…!
