Aao Ke Marg-e-Soz-e-Mohabbat Manayein Hum - Faiz

Aao Ke Marg-e-Soz-e-Mohabbat Manayein Hum
Aao Ke Husn-e-Maah Se Dil Ko Jalayein Hum

Khush Hun Firaq-e-Qamat-o-Rukhsar-e-Yar Se
Sarv-o-Gul-o-Saman Se Nazar Ko Satayein Hum

Veerani-e-Hayat Ko Veeran Tar Karein
Le Nasih Aaj Tera Kaha Maan Jayein Hum

Phir Oat Le Ke Daman-e-Abr-e-Bahar Ki
Dil Ko Manayein Hum Kabhi Aansu Bahayein Hum

Suljhayein Be-Dili Se Ye Uljhe Hoye Sawal
Waan Jayein Ya Na Jayein Na Jayein Ke Jayein Hum

Phir Dil Ko Paas-e-Zabt Ki Talqeen Kar Chukein
Aur Imtihan-e-Zabt Se Phir Ji Churayein Hum

Aao Ke Aaj Khatm Hui Dastan-e-Ishq
Ab Khatm Aashiqi Ke Fasane Sunayein Hum

آؤ کہ مرگ سوز محبت منائیں ہم
آؤ کہ حسن ماہ سے دل کو جلائیں ہم

خوش ہوں فراق قامت و رخسار یار سے
سرو و گل و سمن سے نظر کو ستائیں ہم

ویرانی حیات کو ویران تر کریں
لے ناصح آج تیرا کہا مان جائیں ہم

پھر اوٹ لے کے دامن ابر بہار کی
دل کو منائیں ہم کبھی آنسو بہائیں ہم

سلجھائیں بے دلی سے یہ الجھے ہوئے سوال
واں جائیں یا نہ جائیں نہ جائیں کہ جائیں ہم

پھر دل کو پاس ضبط کی تلقین کر چکیں
اور امتحان ضبط سے پھر جی چرائیں ہم

آؤ کہ آج ختم ہوئی داستان عشق
اب ختم عاشقی کے فسانے سنائیں ہم

Aao Ke Marg-e-Soz-e-Mohabbat Manayein Hum – Faiz