Jab Gulistan Mein Baharon Ke Qadam Aate Hain

Jab Gulistan Mein Baharon Ke Qadam Aate Hain
Yaad Bhoole Hoye Yaron Ke Karam Aate Hain

Log Jis Bazm Se Aate Hain Sitare Le Kar
Hum Usi Bazm Se Ba-Dida-e-Nam Aate Hain

Main Wo Ek Rand-e-Kharabat Hun Maikhane Mein
Mere Sajde Ke Liye Saghir-e-Jam Aate Hain

Ab Mulaqat Mein Wo Garmi-e-Jazbat Kahan
Ab To Rakhne Wo Mohabbat Ka Bharam Aate Hain

Qurb-e-Saqi Ki Wazahat To Bari Mushkil Hai
Aise Lamhe The Jo Taqdeer Se Kam Aate Hain

Main Bhi Jannat Se Nikala Hoya Ek But Hi To Hun
Zauq-e-Takhleeq Tujhe Kaise Sitam Aate Hain

Chashm-e-Saghar Hai Ibadat Ke Tasawwur Mein Sada
Dil Ke Kaabe Mein Khayalon Ke Sanam Aate Hain

— Saghar Siddiqui

جب گلستاں میں بہاروں کے قدم آتے ہیں
یاد بھولے ہوئے یاروں کے کرم آتے ہیںلوگ جس بزم سے آتے ہیں ستارے لے کر
ہم اسی بزم سے بادیدہء نم آتے ہیں

میں وہ اک رند خرابات ہوں میخانے میں
میرے سجدے کے لئے ساغرِ جم آتے ہیں

اب ملاقات میں وہ گرمیِ جذبات کہاں
اب تو رکھنے وہ محبت کا بھرم آتے ہیں

قربِ ساقی کی وضاحت تو بڑی مشکل ہے
ایسے لمحے تھے جو تقدیر سے کم آتے ہیں

میں بھی جنت سے نکالا ہوا اک بت ہی تو ہوں
ذوقِ تخلیق تجھے کیسے ستم آتے ہیں

چشمِ ساغرؔ ہے عبادت کے تصور میں سدا
دل کے کعبے میں خیالوں کے صنم آتے ہیں

ساغر صدیقی

جب گلستاں میں بہاروں کے قدم آتے ہیں