Sau Qisson Se Behtar Hai Kahani Mere Dil Ki - Ghazal

Sau Qisson Se Behtar Hai Kahani Mere Dil Ki
Sun Us Ko To Ae Jaan Zabani Mere Dil Ki

Har Naale Mein Yaan Tukre Jigar Hota Hai Bulbul
Aasan Nahi Tarz-e-Urani Mere Dil Ki

Honi Hai Shaheed Ek Na Ek Roz Tamanna
Mauqoof Ho Kya Marsiya Khwani Mere Dil Ki

Peeri Mein Bhi Milta Hai Jo Kamsin Koi Mehboob
Karti Hai Waheen Aud-e-Jawani Mere Dil Ki

Taqseem Kiye Para-e-Dil Bazm-e-Butan Mein
Har Ek Ke Hai Paas Nishani Mere Dil Ki

Ek Baat Mein Ho Jaye Musakhkhar Wo Pari-Ru
Sunta Hi Nahi Sehr Bayani Mere Dil Ki

Hai Abr To Kya Chahe Falak Ko Bhi Jala De
Bijli Mein Kahan Shola Fishani Mere Dil Ki

Zulfon Mein Kiya Qaid Na Abroo Se Kiya Qatl
Tu Ne To Koi Baat Na Mani Mere Dil Ki

Ye Bar-e-Gham-e-Ishq Samaya Hai Ke Nasikh
Hai Koh Se Dah Chand Garani Mere Dil Ki

سو قصوں سے بہتر ہے کہانی مرے دل کی
سن اس کو تو اے جان زبانی مرے دل کی

ہر نالے میں یاں ٹکڑے جگر ہوتا ہے بلبل
آسان نہیں طرز اڑانی مرے دل کی

ہونی ہے شہید ایک نہ اک روز تمنا
موقوف ہو کیا مرثیہ خوانی مرے دل کی

پیری میں بھی ملتا ہے جو کمسن کوئی محبوب
کرتی ہے وہیں عود جوانی مرے دل کی

تقسیم کیے پارۂ دل بزم بتاں میں
ہر ایک کے ہے پاس نشانی مرے دل کی

اک بات میں ہو جائے مسخر وہ پری رو
سنتا ہی نہیں سحر بیانی مرے دل کی

ہے ابر تو کیا چاہے فلک کو بھی جلا دے
بجلی میں کہاں شعلہ فشانی مرے دل کی

زلفوں میں کیا قید نہ ابرو سے کیا قتل
تو نے تو کوئی بات نہ مانی مرے دل کی

یہ بار غم عشق سمایا ہے کہ ناسخؔ
ہے کوہ سے دہ چند گرانی مرے دل کی

Sau Qisson Se Behtar Hai Kahani Mere Dil Ki – Ghazal