Abhi Ek Shor Sa Utha Hai Kahin - Jaun Elia

Abhi Ek Shor Sa Utha Hai Kahin
Koi Khamosh Ho Gaya Hai Kahin

Hai Kuch Aisa Ke Jaise Yeh Sab Kuch
Is Se Pehle Bhi Ho Chuka Hai Kahin

Tujh Ko Kya Ho Gaya Ke Cheezon Ko
Kahin Rakhta Hai Dhoondhta Hai Kahin

Jo Yahan Se Kahin Na Jata Tha
Woh Yahan Se Chala Gaya Hai Kahin

Aaj Shamshan Ki Si Boo Hai Yahan
Kya Koi Jism Jal Raha Hai Kahin

Hum Kisi Ke Nahin Jahan Ke Siwa
Aisi Woh Khas Baat Kya Hai Kahin

Tu Mujhe Dhoond Main Tujhe Dhoondun
Koi Hum Mein Se Reh Gaya Hai Kahin

Kitni Wahshat Hai Darmiyan-e-Hujum
Jis Ko Dekho Gaya Hua Hai Kahin

Main To Ab Shehar Mein Kahin Bhi Nahin
Kya Mera Naam Bhi Likha Hai Kahin

Isi Kamre Se Koi Ho Ke Vidaa
Isi Kamre Mein Chhup Gaya Hai Kahin

Mil Ke Har Shakhs Se Hua Mehsoos
Mujh Se Yeh Shakhs Mil Chuka Hai Kahin

ابھی اک شور سا اٹھا ہے کہیں
کوئی خاموش ہو گیا ہے کہیں

ہے کچھ ایسا کہ جیسے یہ سب کچھ
اس سے پہلے بھی ہو چکا ہے کہیں

تجھ کو کیا ہو گیا کہ چیزوں کو
کہیں رکھتا ہے ڈھونڈھتا ہے کہیں

جو یہاں سے کہیں نہ جاتا تھا
وہ یہاں سے چلا گیا ہے کہیں

آج شمشان کی سی بو ہے یہاں
کیا کوئی جسم جل رہا ہے کہیں

ہم کسی کے نہیں جہاں کے سوا
ایسی وہ خاص بات کیا ہے کہیں

تو مجھے ڈھونڈ میں تجھے ڈھونڈوں
کوئی ہم میں سے رہ گیا ہے کہیں

کتنی وحشت ہے درمیان ہجوم
جس کو دیکھو گیا ہوا ہے کہیں

میں تو اب شہر میں کہیں بھی نہیں
کیا مرا نام بھی لکھا ہے کہیں

اسی کمرے سے کوئی ہو کے وداع
اسی کمرے میں چھپ گیا ہے کہیں

مل کے ہر شخص سے ہوا محسوس
مجھ سے یہ شخص مل چکا ہے کہیں

Abhi Ek Shor Sa Utha Hai Kahin – Jaun Elia