Kehta Nahi Hai Koi Bhi Sach Baat In Dinon — Iftikhar Arif

Kehta Nahi Hai Koi Bhi Sach Baat In Dinon
Achhe Nahi Hain Shehar Ke Halaat In Dinon

Ahbaab Ka Ravayya Bhi Badla Hua Sa Hai
Kuch Tang Ho Gaya Hai Mera Haath In Dinon

Us Ko Bhi Apne Husn Pe Ab Naaz Ho Gaya!
Thehre Hue Hain Mere Bhi Jazbaat In Dinon

Uljha Diya Hai Mujh Ko Gham-e-Rozgaar Ne!
Mumkin Nahi Hai Tujh Se Mulaqaat In Dinon

Arif! Mujhe Bhi Dukh Tha Kabhi Kainaat Ka
Khud Mein Uljh Gayi Hai Meri Zaat In Dinon

— Iftikhar Arif

کہتا نہیں ہے کوئی بھی سچ بات اِن دنوں
اچھّے نہیں ہیں شہر کے حالات اِن دنوں

احباب کا رَویّہ بھی بدلا ہُوا سا ہے
کچھ تنگ ہوگیا ہے مِرا ہاتھ اِن دنوں

اُس کو بھی اپنے حُسن پہ اب ناز ہوگیا !
ٹھہرے ہُوئے ہیں میرے بھی جذبات اِن دنوں

اُلجھا دِیا ہے مُجھ کو غمِ روزگار نے !
مُمکن نہیں ہے تُجھ سے مُلاقات اِن دنوں

عارف! مُجھے بھی دُکھ تھا کبھی کائِنات کا
خود میں اُلجھ گئی ہے ، مِری ذات اِن دنوں