Kisi Se Koi Khafa Bhi Nahin Raha Ab To - Jaun Elia

Kisi Se Koi Khafa Bhi Nahin Raha Ab To
Gila Karo Ke Gila Bhi Nahin Raha Ab To

Woh Kaashishen Hain Ke Aish-e-Junoon To Kya Yani
Guroor-e-Zehn-e-Rasaa Bhi Nahin Raha Ab To

Shikast-e-Zaat Ka Iqraar Aur Kya Hoga
Ke Da’wa-e-Wafa Bhi Nahin Raha Ab To

Chune Hue Hain Labon Par Tere Hazaar Jawaab
Shikayaton Ka Maza Bhi Nahin Raha Ab To

Hoon Mubtala-e-Yaqeen Meri Mushkilen Mat Pooch
Gumaan Uqda-Kusha Bhi Nahin Raha Ab To

Mere Wajood Ka Ab Kya Sawaal Hai Yani
Main Apne Haq Mein Bura Bhi Nahin Raha Ab To

Yahi Aatiya-e-Subh-e-Shab-e-Wisaal Hai Kya
Ke Sehar-e-Naaz-o-Ada Bhi Nahin Raha Ab To

Yaqeen Kar Jo Teri Aarzoo Mein Tha Pehle
Woh Lutf Tere Siwa Bhi Nahin Raha Ab To

Woh Sukh Wahan Ke Khuda Ki Hain Bakhshishen Kya Kya
Yahan Yeh Dukh Ke Khuda Bhi Nahin Raha Ab To

کسی سے کوئی خفا بھی نہیں رہا اب تو
گلا کرو کہ گلا بھی نہیں رہا اب تو

وہ کاہشیں ہیں کہ عیش جنوں تو کیا یعنی
غرور ذہن رسا بھی نہیں رہا اب تو

شکست ذات کا اقرار اور کیا ہوگا
کہ ادعائے وفا بھی نہیں رہا اب تو

چنے ہوئے ہیں لبوں پر ترے ہزار جواب
شکایتوں کا مزہ بھی نہیں رہا اب تو

ہوں مبتلائے یقیں میری مشکلیں مت پوچھ
گمان عقدہ کشا بھی نہیں رہا اب تو

مرے وجود کا اب کیا سوال ہے یعنی
میں اپنے حق میں برا بھی نہیں رہا اب تو

یہی عطیۂ صبح شب وصال ہے کیا
کہ سحر ناز و ادا بھی نہیں رہا اب تو

یقین کر جو تری آرزو میں تھا پہلے
وہ لطف تیرے سوا بھی نہیں رہا اب تو

وہ سکھ وہاں کہ خدا کی ہیں بخششیں کیا کیا
یہاں یہ دکھ کہ خدا بھی نہیں رہا اب تو

Kisi Se Koi Khafa Bhi Nahin Raha Ab To – Jaun Elia