Qarz-e-Nigaah-e-Yaar Ada Kar Chuke Hain Hum - Faiz

Qarz-e-Nigaah-e-Yaar Ada Kar Chuke Hain Hum
Sab Kuch Nisar-e-Raah-e-Wafa Kar Chuke Hain Hum

Kuch Imtihaan-e-Dast-e-Jafa Kar Chuke Hain Hum
Kuch Un Ki Dastaras Ka Pata Kar Chuke Hain Hum

Ab Ehtiyaat Ki Koi Soorat Nahin Rahi
Qaatil Se Rasm-o-Raah Siwa Kar Chuke Hain Hum

Dekhen Hai Kaun Kaun, Zaroorat Nahin Rahi
Koo-e-Sitam Mein Sab Ko Khafa Kar Chuke Hain Hum

Ab Apna Ikhtiyar Hai Chaahe Jahan Chalein
Rahbar Se Apni Raah Juda Kar Chuke Hain Hum

Un Ki Nazar Mein Kya Karen, Phika Hai Ab Bhi Rang
Jitna Lahoo Tha, Sirf Qaba Kar Chuke Hain Hum

Kuch Apne Dil Ki Kho Ka Bhi Shukrana Chahiye
Sau Baar Un Ki Kho Ka Gila Kar Chuke Hain Hum

قرض نگاہ یار ادا کر چکے ہیں ہم
سب کچھ نثار راہ وفا کر چکے ہیں ہم

کچھ امتحان دست جفا کر چکے ہیں ہم
کچھ ان کی دسترس کا پتا کر چکے ہیں ہم

اب احتیاط کی کوئی صورت نہیں رہی
قاتل سے رسم و راہ سوا کر چکے ہیں ہم

دیکھیں ہے کون کون ضرورت نہیں رہی
کوئے ستم میں سب کو خفا کر چکے ہیں ہم

اب اپنا اختیار ہے چاہے جہاں چلیں
رہبر سے اپنی راہ جدا کر چکے ہیں ہم

ان کی نظر میں کیا کریں پھیکا ہے اب بھی رنگ
جتنا لہو تھا صرف قبا کر چکے ہیں ہم

کچھ اپنے دل کی خو کا بھی شکرانہ چاہیے
سو بار ان کی خو کا گلا کر چکے ہیں ہم

Qarz-e-Nigaah-e-Yaar Ada Kar Chuke Hain Hum – Faiz