Le Chala Jaan Meri Rooth Ke Jaana Tera – Dagh Dehlvi
Le Chala Jaan Meri Rooth Ke Jaana Tera
Aise Aane Se To Behtar Tha Na Aana Tera
Apne Dil Ko Bhi Bataun Na Thikana Tera
Sab Ne Jaana Jo Pata Ek Ne Jaana Tera
Tu Jo Ae Zulf-e-Pareshaan Raha Karti Hai
Kis Ke Ujre Hue Dil Mein Hai Thikana Tera
Aarzu Hi Na Rahi Subah-e-Watan Ki Mujh Ko
Shaam-e-Gurbat Hai Ajab Waqt Suhana Tera
Yeh Samajh Kar Tujhe Ae Maut Laga Rakha Hai
Kaam Aata Hai Bure Waqt Mein Aana Tera
Ae Dil-e-Shefta Main Aag Lagane Wale
Rang Laya Hai Yeh Laakhon Ka Zamana Tera
Tu Khuda To Nahin Ae Naaseh-e-Nadan Mera
Kya Khata Ki Jo Kaha Main Ne Na Maana Tera
Ranj Kya Wasl-e-‘Adu Ka Jo Talluq Hi Nahin
Mujh Ko Wallah Hansata Hai Rulana Tera
Kaaba-o-Dair Mein Ya Chashm-o-Dil-e-Ashiq Mein
Unhin Do Chaar Gharon Mein Hai Thikana Tera
Tark-e-Aadat Se Mujhe Neend Nahin Aane Ki
Kahin Neecha Na Ho Ae Gor Sarhana Tera
Main Jo Kehta Hoon Uthaye Hain Bohat Ranj-e-Firaaq
Woh Yeh Kehte Hain Bada Dil Hai Tawana Tera
Bazm-e-Dushman Se Tujhe Kaun Utha Sakta Hai
Ek Qayamat Ka Uthana Hai Uthana Tera
Apni Aankhon Mein Abhi Kound Gayi Bijli Si
Hum Na Samjhe Ke Yeh Aana Hai Ke Jaana Tera
Yun To Kya Aayega Tu Fart-e-Nazakat Se Yahan
Sakht Dushwar Hai Dhokay Mein Bhi Aana Tera
Daagh Ko Yun Woh Mitate Hain Yeh Farmate Hain
Tu Badal Daal Hawa Naam Purana Tera
Le Chala Jaan Meri Rooth Ke Jaana Tera — Daagh Dehlvi
Poetry in Urdu Text
لے چلا جان مری روٹھ کے جانا تیرا
ایسے آنے سے تو بہتر تھا نہ آنا تیرا
اپنے دل کو بھی بتاؤں نہ ٹھکانا تیرا
سب نے جانا جو پتا ایک نے جانا تیرا
تو جو اے زلف پریشان رہا کرتی ہے
کس کے اجڑے ہوئے دل میں ہے ٹھکانا تیرا
آرزو ہی نہ رہی صبح وطن کی مجھ کو
شام غربت ہے عجب وقت سہانا تیرا
یہ سمجھ کر تجھے اے موت لگا رکھا ہے
کام آتا ہے برے وقت میں آنا تیرا
اے دل شیفتہ میں آگ لگانے والے
رنگ لایا ہے یہ لاکھے کا جمانا تیرا
تو خدا تو نہیں اے ناصح ناداں میرا
کیا خطا کی جو کہا میں نے نہ مانا تیرا
رنج کیا وصل عدو کا جو تعلق ہی نہیں
مجھ کو واللہ ہنساتا ہے رلانا تیرا
کعبہ و دیر میں یا چشم و دل عاشق میں
انہیں دو چار گھروں میں ہے ٹھکانا تیرا
ترک عادت سے مجھے نیند نہیں آنے کی
کہیں نیچا نہ ہو اے گور سرہانا تیرا
میں جو کہتا ہوں اٹھائے ہیں بہت رنج فراق
وہ یہ کہتے ہیں بڑا دل ہے توانا تیرا
بزم دشمن سے تجھے کون اٹھا سکتا ہے
اک قیامت کا اٹھانا ہے اٹھانا تیرا
اپنی آنکھوں میں ابھی کوند گئی بجلی سی
ہم نہ سمجھے کہ یہ آنا ہے کہ جانا تیرا
یوں تو کیا آئے گا تو فرط نزاکت سے یہاں
سخت دشوار ہے دھوکے میں بھی آنا تیرا
داغؔ کو یوں وہ مٹاتے ہیں یہ فرماتے ہیں
تو بدل ڈال ہوا نام پرانا تیرا
Main Ne Chand Aur Sitaron Ki Tamanna Ki Thi – Sahir Ludhianvi
Tere Pyar Mein Ruswa Ho Kar Jaayen Kahan Deewane Log (Lyrics)
Baadbaan Khulne Se Pehle Ka Ishara Dekhna – Parveen Shakir
