Nasir Kya Kehta Phirta Hai Kuch Na Suno To Behtar Hai

Nasir Kya Kehta Phirta Hai Kuch Na Suno To Behtar Hai
Deewana Hai Deewane Ke Munh Na Lago To Behtar Hai

Kal Jo Tha Woh Aaj Nahin Jo Aaj Hai Kal Mit Jaayega
Rookhi Sookhi Jo Mil Jaaye Shukar Karo To Behtar Hai

Kal Yeh Taab-o-Tawaan Na Rahegi Thanda Ho Jaayega Lahoo
Naam-e-Khuda Ho Jawaan Abhi Kuch Kar Guzro To Behtar Hai

Kya Jaane Kya Rut Badle Haalaat Ka Koi Theek Nahin
Ab Ke Safar Mein Tum Bhi Hamare Saath Chalo To Behtar Hai

Kapde Badal Kar Baal Bana Kar Kahan Chale Ho Kis Ke Liye
Raat Bohat Kaali Hai Nasir Kazmi Ghar Mein Raho To Behtar Hai

ناصرؔ کیا کہتا پھرتا ہے کچھ نہ سنو تو بہتر ہے
دیوانہ ہے دیوانے کے منہ نہ لگو تو بہتر ہے

کل جو تھا وہ آج نہیں جو آج ہے کل مٹ جائے گا
روکھی سوکھی جو مل جائے شکر کرو تو بہتر ہے

کل یہ تاب و تواں نہ رہے گی ٹھنڈا ہو جائے گا لہو
نام خدا ہو جوان ابھی کچھ کر گزرو تو بہتر ہے

کیا جانے کیا رت بدلے حالات کا کوئی ٹھیک نہیں
اب کے سفر میں تم بھی ہمارے ساتھ چلو تو بہتر ہے

کپڑے بدل کر بال بنا کر کہاں چلے ہو کس کے لیے
رات بہت کالی ہے ناصرؔ گھر میں رہو تو بہتر ہے