Sab Maya Hai — Ibn-e-Insha

Sab Maya Hai, Sab Dhalti Phirti Chhaya Hai
Is Ishq Mein Hum Ne Jo Khoya Jo Paya Hai
Jo Tum Ne Kaha Hai, Faiz Ne Jo Farmaya Hai
Sab Maya Hai

Haan Gahe Gahe Deed Ki Daulat Haath Aai
Ya Ek Woh Lazzat Naam Hai Jis Ka Ruswai
Bas Us Ke Siwa To Jo Bhi Sawab Kamaya Hai
Sab Maya Hai

Ek Naam To Baqi Rahta Hai, Gar Jaan Nahin
Jab Dekh Liya Is Saude Mein Nuqsan Nahin
Tab Shama Pe Dene Jaan Patanga Aaya Hai
Sab Maya Hai

Maloom Hamein Sab Qais Miyan Ka Qissa Bhi
Sab Ek Se Hain, Ye Ranjha Bhi Ye Insha Bhi
Farhad Bhi Jo Ek Nahr Si Khod Ke Laya Hai
Sab Maya Hai

Kyun Dard Ke Name Likhte Likhte Raat Karo
Jis Saat Samundar Paar Ki Naar Ki Baat Karo
Us Naar Se Koi Ek Ne Dhoka Khaya Hai
Sab Maya Hai

Jis Gori Par Hum Ek Ghazal Har Shaam Likhen
Tum Jaante Ho Hum Kyon Kar Us Ka Naam Likhen
Dil Us Ki Bhi Chaukhat Choom Ke Wapas Aaya Hai
Sab Maya Hai

Woh Ladki Bhi Jo Chand Nagar Ki Rani Thi
Woh Jis Ki Alhad Aankhon Mein Hairani Thi
Aaj Us Ne Bhi Paigham Yahi Bhijwaya Hai
Sab Maya Hai

Jo Log Abhi Tak Naam-E-Wafa Ka Lete Hain
Woh Jaan Ke Dhokay Khate, Dhokay Dete Hain
Haan Thok Baja Kar Hum Ne Hukm Lagaya Hai
Sab Maya Hai

Jab Dekh Liya Har Shakhs Yahan Harjai Hai
Is Shehar Se Door Ek Kutiya Hum Ne Banai Hai
Aur Us Kutiya Ke Mathe Par Likhwaya Hai
Sab Maya Hai

سب مایا ہے، سب ڈھلتی پھرتی چھایا ہے
اس عشق میں ہم نے جو کھویا جو پایا ہے

جو تم نے کہا ہے، فیضؔ نے جو فرمایا ہے
سب مایا ہے

ہاں گاہے گاہے دید کی دولت ہاتھ آئی
یا ایک وہ لذت نام ہے جس کا رسوائی

بس اس کے سوا تو جو بھی ثواب کمایا ہے
سب مایا ہے

اک نام تو باقی رہتا ہے، گر جان نہیں
جب دیکھ لیا اس سودے میں نقصان نہیں

تب شمع پہ دینے جان پتنگا آیا ہے
سب مایا ہے

معلوم ہمیں سب قیس میاں کا قصہ بھی
سب ایک سے ہیں، یہ رانجھا بھی یہ انشاؔ بھی

فرہاد بھی جو اک نہر سی کھود کے لایا ہے
سب مایا ہے

کیوں درد کے نامے لکھتے لکھتے رات کرو
جس سات سمندر پار کی نار کی بات کرو

اس نار سے کوئی ایک نے دھوکا کھایا ہے؟
سبب مایا ہے

جس گوری پر ہم ایک غزل ہر شام لکھیں
تم جانتے ہو ہم کیوں کر اس کا نام لکھیں

دل اس کی بھی چوکھٹ چوم کے واپس آیا ہے
سب مایا ہے

وہ لڑکی بھی جو چاند نگر کی رانی تھی
وہ جس کی الھڑ آنکھوں میں حیرانی تھی

آج اس نے بھی پیغام یہی بھجوایا ہے
سب مایا ہے

جو لوگ ابھی تک نام وفا کا لیتے ہیں
وہ جان کے دھوکے کھاتے، دھوکے دیتے ہیں

ہاں ٹھوک بجا کر ہم نے حکم لگایا ہے
سب مایا ہے

جب دیکھ لیا ہر شخص یہاں ہرجائی ہے
اس شہر سے دور اک کٹیا ہم نے بنائی ہے

اور اس کٹیا کے ماتھے پر لکھوایا ہے
سب مایا ہے