Tere Qarib Aa Ke Badi Uljhanon Mein Hoon – Ahmad Faraz

Tere Qarib Aa Ke Badi Uljhanon Mein Hoon

Ahmad Faraz

Tere Qarib Aa Ke Badi Uljhanon Mein Hoon
Main Dushmanon Mein Hoon Ki Tere Doston Mein Hoon

Mujh Se Gurez-Pa Hai To Har Rasta Badal
Main Sang-E-Rah Hoon To Sabhi Raston Mein Hoon

Tu Aa Chuka Hai Sath Pe Kab Se Khabar Nahin
Bedard Main Abhi Unhin Gahraiyon Mein Hoon

Ai Yar-E-Khush-Dayar Tujhe Kya Khabar Ki Main
Kab Se Udaasiyon Ke Ghane Jangalon Mein Hoon

Tu Loot Kar Bhi Ahl-E-Tamanna Ko Khush Nahin
Yaan Loot Ke Bhi Wafa Ke Inhi Qafilon Mein Hoon

Badla Na Mere Baad Bhi Mauzu-E-Guftugu
Main Ja Chuka Hoon Phir Bhi Teri Mahfilon Mein Hoon

Mujh Se Bichhad Ke Tu Bhi To Roega Umr Bhar
Ye Soch Le Ki Main Bhi Teri Khwahishon Mein Hoon

Tu Hans Raha Hai Mujh Pe Mera Haal Dekh Kar
Aur Phir Bhi Main Sharik Tere Qahqahon Mein Hoon

Khud Hi Misal-E-Lala-E-Sahra Lahoo Lahoo
Aur Khud ‘Faraz’ Apne Tamashaiyon Mein Hoon

تیرے قریب آ کے بڑی الجھنوں میں ہوں
میں دشمنوں میں ہوں کہ ترے دوستوں میں ہوں

مجھ سے گریز پا ہے تو ہر راستہ بدل
میں سنگ راہ ہوں تو سبھی راستوں میں ہوں

تو آ چکا ہے سطح پہ کب سے خبر نہیں
بے درد میں ابھی انہیں گہرائیوں میں ہوں

اے یار خوش دیار تجھے کیا خبر کہ میں
کب سے اداسیوں کے گھنے جنگلوں میں ہوں

تو لوٹ کر بھی اہل تمنا کو خوش نہیں
یاں لٹ کے بھی وفا کے انہی قافلوں میں ہوں

بدلا نہ میرے بعد بھی موضوع گفتگو
میں جا چکا ہوں پھر بھی تری محفلوں میں ہوں

مجھ سے بچھڑ کے تو بھی تو روئے گا عمر بھر
یہ سوچ لے کہ میں بھی تری خواہشوں میں ہوں

تو ہنس رہا ہے مجھ پہ مرا حال دیکھ کر
اور پھر بھی میں شریک ترے قہقہوں میں ہوں

خود ہی مثال لالۂ صحرا لہو لہو
اور خود فرازؔ اپنے تماشائیوں میں ہوں

Koi Nai Chot Phir Se Khao! Udaas Logo – Mohsin Naqvi
Hum Musafir Yunhi Masruf-E-Safar Jaenge – Faiz Ahmad Faiz
Kabhi To Shaam Dhale Apne Ghar Gaye Hote – Bashir Badr