Inhi Khush-Gumaniyon Mein Kahin Jaan Se Bhi Na Jao

Inhi Khush-Gumaniyon Mein Kahin Jaan Se Bhi Na Jao
Woh Jo Chara-Gar Nahin Hai Use Zakhm Kyun Dikhao

Ye Udaasiyon Ke Mausam Yunhi Raiygan Na Jaen
Kisi Yaad Ko Pukaro, Kisi Dard Ko Jagao

Woh Kahaniyan Adhuri, Jo Na Ho Sakegi Puri
Unhen Main Bhi Kyun Sunaun, Unhen Tum Bhi Kyun Sunao

Ye Judaiyon Ke Raste Badi Dur Tak Gae Hain
Jo Gaya Woh Phir Na Lauta, Meri Baat Maan Jao

Kisi Be-Wafa Ki Khatir Ye Junun Faraz Kab Tak
Jo Tumhen Bhula Chuka Hai Use Tum Bhi Bhool Jao

اِنہی خوش گمانیوں میں کہیں جاں سے بھی نہ جاؤ
وہ جو چارہ گر نہیں ہے اسے زخم کیوں دکھاؤ

یہ اداسیوں کے موسم یونہی رائیگاں نہ جائیں
کسی یاد کو پکارو، کسی درد کو جگاؤ

وہ کہانیاں ادھوری، جو نہ ہو سکیں گی پوری
انہیں میں بھی کیوں سناؤں انہیں تم بھی کیوں سناؤ

یہ جُدائیوں کے رستے بڑی دور تک گئے ہیں
جو گیا وہ پھر نہ لوٹا، مِری بات مان جاؤ

کسی بے وفا کی خاطر یہ جنوں فرازؔ کب تک
جو تمہیں بھلا چکا ہے اسے تم بھی بھول جاؤ

اِنہی خوش گمانیوں میں کہیں جاں سے بھی نہ جاؤ